Хаартыска: Андрей СОРОКИН (СИА).
СӨ Ил Дархана Айсен Николаев бүгүн “Биир ньыгыл Арассыыйа” баартыйа уопсастыбаннай приемнайыгар биирдиилээн дьону кытта көрүстэ.
Любовь Белоусова Ил Дархаҥҥа байыастар, ол иһигэр бэйэтин байыаннай эпэрээссийэҕэ кытта сылдьар сиэнэ, санитарнай массыына наадатын туһунан көрдөһүүлэрин тиэртэ. Ол курдук, Саха сириттэн 5-с аармыйа батальоннарын биир мэдиссиинэҕэ чааһыгар сулууспалааччылара кинилэр чаастарыгар анал тэрилинэн хааччыллыбыт санитарнай массыынаны ыыталларыгар көрдөспүттэр.
“Биир ньыгыл Арассыыйа” баартыйа Саха сиринээҕи салаатын сэкирэтээрэ Айсен Николаев, Саха сириттэн сылдьар байыастарга суһаллык анал тэрилинэн хааччыллыбыт санитарнай массыынаны ыытарга сорудахтаата. Тиэхиньикэни бүгүн номнуо атыыласпыттар. Бу күннэргэ Доннааҕы Ростовка тиэрдиэхтэрэ.
“Саамай сүрүнэ, “Сахаэнерго” кэлэктиибин көмөтүнэн ылыллыбыт санитарнай массыына аадырыһыгар тиийэрэ наада. Бу үлэҕэ Өрөспүүбүлүкэтээҕи координационнай киини кытыарыҥ”, — диэн Айсен Николаев эттэ.
Ил Дархаҥҥа Марха түөлбэ олохтооҕо, коррекционнай оскуолаҕа үөрэнэр инбэлиит оҕо боппуруоһунан киирэ сырытта. Кини уола хараҕын хрусталиктарын уларытыыга уустук эпэрээссийэни ааспыт. Ону таһынан, хараҕынан атын эмиэ ыарыылардаах эбит. Ол эрээри, оҕону инбэлиититтэн устубуттар уонна уопсай үөрэхтээһин оскуолатыгар көһөрөргө быһаарбыттар.
Айсен Николаев Доруобуйа харыстабылын министиэристибэтигэр оҕону кичэйэн көрөллөрүгэр сорудахтаата.
“Оҕо үөрэх дьылын этэҥҥэ түмүктүөхтээх. Ол кэнниттэн доруобуйатын үчүгэйдик кичэйэн көрүҥ. Өскөтүн инбэлиититтэн устар түгэҥҥэ, оҕоҕо инклюзивнай үөрэх тэрилтэтигэр миэстэ булар ирдэнэр”, — диэн Айсен Сергеевич эттэ.
Гражданка Бессуднова эрэгийиэн салайааччытытыттан мэдиссиинэ чинчийиитин уонна санаторнай-курортнай эмтэниини ааһарыгар көмөлөһөрүгэр көрдөстө. Онко ыарыылаах буолан эпэрэссийэлэммит, иккис бөлөхтөөх инбэлииккэ таһаарбыттар. Кинини 1-кы нүөмэрдээх Мэдиссиинэ национальнай киинигэр чинчийэн көрөргө быһаардылар уонна санаторийга путевка биэрдилэр.
СӨ Ил Дарханын уонна Бырабыыталыстыбатын пресс-сулууспата.
Бэҕэһээ Дьокуускайга "Азия" киинэ тыйаатырыгар Н.О. Кривошапкин аатынан 5 №-дээх оскуола медиа-студиятын киинэлэрин премьернай көрдөрүүтэ…
Эбээн-Бытантай улууһугар биооттугунан үлэлиир саҥа хочуолунай үлэҕэ киирэри турар. Бырайыак олоххо киириитэ РФ Тутууга министиэристибэтин…
Дьокуускайга анал байыаннай дьайыы кыттыылаахтарын дьиэ кэргэттэрэ Арассыыйа Федерациятын Уопсастыбаннай балаататын сэкиритээрин бастакы солбуйааччытын, Арассыыйа…
Балаҕан ыйын 12 күнүгэр Бүлүү улууһун Үгүлээт нэһилиэгэр Кыайыы болуоссатыгар, Улуу Кыайыы 80 сылыгар анаан,…
Тыа сиригэр оҥоһуллан тахсыбыт аһы, төһө да сыаната ыараханын иһин, амтана да, хаачыстыбата да кэлии…