Ил Дархан Айсен Николаев олунньу 11 күнүгэр Москваҕа оробуочай командировкатын кэмигэр РФ Оборонаҕа министиэристибэтин А.А. Вишневскай аатынан киин байыаннай килиниичэскэй балыыһаҕа сырытта.
Айсен Николаев бааһырбыт байыастары, ол иһигэр СӨ ыччат уонна социальнай коммуникациялар миниистирэ Петр Шамаевы кытта көрүстэ. Байыас байыаннай дьайыыга бойобуой сорук оҥоро сылдьан, ыарахан бааһырыыны ылбыта.
Ил Дарханы кытта кэпсэтиигэ Петр Шамаев туохтан да кэмсиммэтин туһунан эттэ.
«Бу көрсүһүүттэн олус үөрдүм. Ил Дархан уонна Саха сирин олохтоохторун өйөбүлэ чөлүгэр түһэрбэр күүс-көмө буолаллар. Быраастарга махтанабын. Саха сиригэр өйөбүлүн уонна Аҕа дойдуну көмүскээччи күнүнэн бэлэхтэрин иһин махтанабын. Билигин барыта бэйэбиттэн тутулуктаах», — диэн санаатын үллэһиннэ Петр Шамаев.
Байыаннай госпиталга Айсен Николаев байыастартан эмтэнии хайдах барарын, ханнык боппуруостар долгуталларын ыйыталаста.
Айсен Николаев байыастар этиилэрин ураты хонтуруолга ыларын этэн туран, Аҕа дойду көмүскээччи күнүнэн бэлэхтэри туттартаата.
«Хас биирдии байыаһы кытта кэпсэтиини ытык иэһим быһыытынан ылынабын. Кинилэр эр санааларынан, хорсун быһыыларынан киэн туттабын», — диэтэ Ил Дархан.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…