СӨ Ил Дархана Айсен Николаев билигин Владивосток куоракка сулууспалыы сылдьар өрөспүүбүлүкэ байыаннай сулууспалаахтарыгар икки УАЗ массыынаны биэрдэ. Бу массыыналары мэдиссиинэ көмөтүн оҥорорго туһаныахтара.
“Саха сириттэн сулууспалыы сылдьар 83-с туспа гвардейскай десантнай-штурмовой биригээдэҕэ икки УАЗ массыынаны тиксэрдим. Бу массыыналары мэдиссиинэ көмөтүн оҥорорго туһаныахтара. Саха сирин бу кылаата уопсай дьыалаҕа көмө буоллун!”, — диэн Айсен Николаев телеграм ханаалыгар санаатын үллэстэр.
Бу иннинэ өрөспүүбүлүкэттэн сулууспаны ааһар Бурятия байыаннай чааһыгар массыыналары биэрбитэ.
“Губернатордар байыаннай чаастарга массыыналары, квадрокоптердары, тепловизордары – ол эбэтэр, биһиги байыастарбыт кыайалларыгар көмө буоларыгар ирдэнэр тэриллэри ыыталлар. Биһиги дойдубут утары бүтүн Хотугулуу-атлантическай блок холбоспут кэмигэр, мин санаабар, биир бөҕө санаа баар: дойдуну аармыйа эрэ буолбакка, бүтүн норуот, хас биирдии киһи көмүскүүр. Биһиги губернатордары кытта биир көрүүлээхпит, биһигиттэн тутулуктааҕы, кыаллары барытын оҥоробут дии саныыбыт”, — диэн РФ бэрэсидьиэнигэр Уһук Илиҥҥи боломуочунайа Юрий Трутнев эттэ.
Санатан аастахха, Саха сириттэн сылдьар байыаннай сулууспалаахтары материальнай-тиэхиньиическэй боппуруоһунан хааччыйыынан, бу сыл алтынньы 10 күнүгэр Ил Дархан сорудаҕынан тэриллибит өрөспүүбүлүкэ суһал ыстааба дьарыктанар.
СӨ Ил Дарханын уонна СӨ Бырабыыталыстыбатын пресс-сулууспата.
Хаартыска: Мария ВАСИЛЬЕВА (СИА).
2014 сыллаахха СӨ Култуураҕа уонна духуобунай сайдыыга министиэристибэтин Гранынан, оччотооҕу миниистир Андрей Борисов өйөөһүнэн, маастардар…
Бэйэбитин көрүнүөҕүҥ, доруобуйабытыгар туһалааҕы оҥостуоҕуҥ. Ытыстары бэйэ-бэйэлэригэр аалан сылытыллар уонна сырдык киирбэтин курдук тарбахтары бэйэ-бэйэлэригэр…
Икки күн устата ыытыллыбыт "Биисинэс-Экспо 2024" Саха сирин урбаанньыттарын, бэйэ дьыалатынан дьарыктанар дьону түмэр, көҕүлүүр…
Уус Алдан улууһугар бибилэтиэкэ тэриллибитэ 100 сылыгар, РФ Конституциятын күнүнэн С.С. Васильев-Борогонскай аатынан оройуоннааҕы киин…
Өлүөхүмэ улууһун Улахан Муҥку сэлиэнньэтигэр “Биһиги бииргэ” аһымал кэнсиэр буолла. Кэнсиэр Малдьаҕар начаалынай оскуолатын-уһуйаанын кэлэктиибин,…
2024 сыл ахсынньы 25 күнүгэр "Союз2.1б" аракыата-носитель "Байконур" космодромуттан Саха Өрөспүүбүлүкэтин уонна Бүлүү куоратын гербэлэрэ…