Саха сирин Бырабыыталыстыбатын кытта нэдиэлэ аайы ыытыллар былаанныыр мунньахха Ил Дархан Айсен Николаев кэлэр нэдиэлэ соруктарын туруорда. Ол иһигэр өрөспүүбүлүкэ 2023 сыллааҕы бүддьүөтүн таҥыы уонна байыаннай сулууспаҕа барбыт дьон дьиэ кэргэннэригэр төлөбүрү тиэрдиини, өйөбүл миэрэлэрин олоххо киириилэрин тэтимирдэр туһунан кэпсэттилэр.
“Бүддьүөт маҥнайгы ааҕыыта утары куолаһа суох ааспыта, ол эрэн иккис ааҕыытыгар этиллибит көннөрүүлэри учуоттаан, кэккэ үлэни ыытыах тустаахпыт. Бастатан туран, тыа хаһаайыстыбатыгар сыһыаннаах боппуруостары. Үөскээбит уустуктары аахсыбакка, социальнай эйгэҕэ бигэ туругу харыстыах уонна туруоруллубут соруктары олоххо киллэриэх тустаахпыт. Ону кытта ааһан эрэр сыл бүддьүөтүгэр көннөрүүлэри киллэрии үлэтин Ил Түмэн дьокутааттарын кытта ыытаргытыгар көрдөһөбүн”, — диэн Ил Дархан сүрүн соруктары туруорда.
Хомуурга барбыт дьон дьиэ кэргэннэригэр биир кэмнээх төлөбүрү ыытыы болдьоммут кэмиттэн уһаан эрэрин Ил Дархан эттэ. Эрдэ бырабыыталыстыба бэрэссэдээтэлин солбуйааччы Ольга Балабкина бу төлөбүрдэр байыаннай чаастан бигэргэтии кэлэриттэн тутулуктаах диэн эппитэ. Үлэ министиэристибэтэ бу кыһалҕаны кытта үлэлэһэр, билигин испииһэктэри бэрийэн түмүктээн эрэрин биллэрдэ.
Социальнай өйөбүл миэрэлэрин тиксэрии үлэтин муниципальнай таһымҥа эмиэ түргэтэтиэххэ наада. Айсен Николаев туһааннаах хайысхаҕа үлэлиир биэдэмэстибэлэргэ оскуолаларга босхо итии аһылыгынан хааччыйыыга, уһуйааннарга миэстэ көрөөһүҥҥэ, устудьуоннарга анал стипендияны анааһын боппуруостарыгар муниципалитеттары кытта бииргэ үлэлээһини күүһүрдэргэ сорудахтаата.
Уопсастыбыннай тэриллиилэри, байыаннайдар ийэлэрин кытта алтыһыы үлэтин, бааһырбыт байыастарга көмөнү тиһигин быспакка ыытар туһунан Ил Дархан туспа тоһоҕолоон эттэ.
Маны кытта Ил Дархан социальнай эбийиэктэри тутууга федеральнай киинтэн эбии үбүлээһин туһунан быһаарыы тахсыбытын туһунан биллэрдэ. Бу Биир кэлим Уһук Илиҥҥи субсидия чэрчитинэн кэлэр үп буолар. Саха сиригэр бу субсидия көмөтүнэн Горнай улууһугар Атамайдааҕы сынньалаҥ киинин уонна Үөһээ Бүлүүгэ Барахов аатынан култуура киинин тутуу саҕаланыаҕа.
Сунтаар улууһугар "Биир ньыгыл Арассыыйа" баартыйаттан турбут А.В.Григорьев баһылыгынан талылынна. Биир дойдулаахтара кини үлэтин үрдүктүк…
“Проверено на себе” диэн билиҥҥи угуйук саха майгытыгар сүрдээҕин сөп түбэһэр эбит. Тоҕо диэтэххэ кини барытын…
Үөрэх эйгэтигэр анал байыаннай эпэрээссийэ кыттыылаахтарын оҕолорун өйөбүл өрөспүүбүлүкэҕэ сүрүн соругунан буолар. Бүгүҥҥү күҥҥэ байыаннай…
Дьокуускай куорат баһылыга Евгений Григорьев суруналыыстары кытары көрсүһүүтүгэр киин куорат тырааныспарын инфраструктуратын тупсарыыга былааннарын туһунан…
Бу күннэргэ СӨ тыа хаһаайыстыбатын министиэристибэтэ халаантан эмсэҕэлээбит Өймөкөөн улууһун нэһилиэктэригэр паромунан сырыы түмүктэниэр диэри…
Бүгүн Саха сиринээҕи Киин быыбардыыр хамыыһыйа бэрэссэдээтэлэ Евгений Федоров бэҕэһээ, балаҕан ыйын 14 күнүгэр, Быыбар…