Хаартыска: sakha.gov.ru
Ил Дархан Айсен Николаев ДНӨ үлэтин кэмигэр биир дойдулаахтарын кытта көрүстэ уонна кинилэргэ саҥа тиэхиньикэ, гуманитарнай көмө туттарда. Көрсүһүү Донбасс куоракка Саха сирин тирэх пуунугар ыытылынна.
Үөрүүлээх быһыыга-майгыга Айсен Николаев «Якт-Сокол» саха тэрилтэлэрэ оҥорбут саҥа квадроцикллар күлүүстэрин туттарда.
«Мин дойду көҥүлүн уонна кэлэр кэскилин туһугар дьоруойдуу охсуһар эрэллээх байыастарбытыгар ис сүрэхтэн махталбын тиэрдэбин. Бастакы кэккэҕэ биһиги Сахабыт сирин байыастара сылдьалларыттан киэн туттабыт. Биһиги байыастарбыт ханна даҕаны Ийэ дойдуну көмүскүүргэ бигэтик сылдьаллар. Биһиги эһигини бары дьиэҕитигэр кыайыылаах төннөргүтүгэр күүтэбит», — диэн байыаннай сулууспалаахтарга Айсен Николаев эттэ.
Саха сиригэр фронт наадатыгар бородууксуйаны оҥорон таһаарыы кээмэйэ салгыы улаатар. Зонаҕа өрөспүүбүлүкэҕэ бренд буолбут «Сокол» квадроцикллары эрэ буолбакка, электроматаһыыкыллар, ас-таҥас, аныгы тэриллэр уонна обмундирование ыыталлаллар. «Барыта — фронт туһугар, барыта — Кыайыы туһугар!», — бу кураанах тыл буолбатах. Саха сирэ фроҥҥа тустаах көмөтүн салгыаҕа.
«Илиҥҥи байыаннай уокурук тус састаабыгар Саха сирин салалтата уонна олохтоохторо армыйаҕа мэлдьи көмөлөһөллөр. Сөптөөх көмөнү оҥорорго наадалаах үлэ ыытыллар», — диэн бэлиэтээтэ Кутузов Дивизия мотострелковай уордьанын хамандыырын солбуйааччы.
Нерюнгри оройуонугар буолуохтаах Олоҥхо ыһыаҕар эрдэттэн тиийээри, от ыйын 2 күнүгэр хайы-үйэ массыыналар субустулар. Хайдах…
Бу күннэргэ социальнай ситимнэринэн Дьокуускай куораттан Аллараа Бэстээххэ паромунан айаннаан иһэр пассажирдар Өлүөнэ өрүскэ сэлээркэ тохтон…
Ааспыт нэдиэлэҕэ ДНӨ уонна Белгород уобалаһын тирэх пууннарын үлэһиттэрэ Саха сирин байыастарыгар 188 аадырыстаах баһыылканы…
Электроннай табахтан, вейптан аккаастаныы "Давай бросать" диэн марафон саҕаланна. Биир санаалаахтар никотинтан тутулуктаах буолууну бохсорго…
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …