Ил Дархан Айсен Николаев от ыйын 17 күнүгэр анал байыаннай дьайыы кыттыылаахтарыгар судаарыстыбаннай наҕараадалары туттарда.
Суолталаах тэрээһин Аҕа дойдуларын иһин олохторун толук уурбут буойуннары саҥата суох туран чbэстээһинтэн саҕаланна.
Ил Дархан Айсен Николаев: «Эһиги хас биирдии түгэҥҥэ бэйэҕит олоххутун, доруобуйаҕытын толук ууран туран, санааҕыт күүһүн, хорсун быһыыгытын көрдөрбүккүт. Мин байыаннай дьайыы зонатыгар да сылдьан, манна Дьокуускайга даҕаны үрдүкү байыаннай командованиеттан Саха сирин буойуннарын хорсуннарын, кыахтарын, толкуйдарын туһунан махтал тылы истэрбинэн киэн туттабын», — диэн наҕараадалары туттарарыгар бэлиэтээтэ.
Байыаннай дьайыыга хорсуннук дьоруойдуу өлбүт рядовой, гранатомётчик Ньургун Николаевич Мочкин «Мужество» уордьанынан наҕараадаланна. Ил Дархан наҕарааданы байыас кэргэнигэр Анна Степановнаҕа, ийэтигэр Екатерина Егоровнаҕа туттарда. «За заслуги перед Отечеством» II истиэпэннээх уордьанынан байыастар Александр Добрецов, Алексей Зайцев, Борис Иванов, Сергей Кочемас, Александр Пахомов, Алексей Пешков, Егор Потапов, Дьулустан Прохоров, Николай Саввин, Прокопий Саввинов, Алексей Созонов, Аркадий Старостин, Михаил Тогонохов наҕараадаланнылар. «За отвагу» мэтээли байыаннай сулууспалаахтар Эрсан Андреев, Сергей Афанасьев, Олег Власов, Семен Комаров, Александр Миронов, Константин Сергучев, Александр Соров, Бронислав Ускеев, Петр Хабаров, Сергей Яковлев туттулар. «За спасение погибавших» мэтээлинэн Анатолий Арбыкин, Донецкай Народнай Өрөсппүүлүкэ «За отвагу» мэтээлинэн – Олег Копылов наҕараадаланнылар.
Наҕараадаламмыттар ааттарыттан «Мужество» уордьан кавалера, «Барс-2» этэрээт батальонун хамандыыра Василий Егоров Ил Дархаҥҥа Саха сириттэн тиийбит байыастарга материальнай-тиэхиньиичэскэй көмөтүн, өйөбүлүн иһин махтанна. Василий Егоров байыастарга бойобуой бэлэмнэрин иһин истиҥ махталын тиэртэ.
Казахстаан Өрөспүүбүлүкэтигэр Саха сирин күннэригэр саха норуотун ускуустубатын уонна култууратын көрдөрөр “Сокровище Якутии» быыстапка киэҥ…
Сааскы халаантан бу күннэргэ Нам уонна Өлүөхүмэ улууһун олохтоохторо эмсэҕэлээтилэр. Сулустан Заболоцкай, баартыйа эрэгийиэннээҕи салаатын…
Таатта улууһугар Ытык Күөлгэ быйыл аҕам саастаахтар хордарын тэриммиттэрэ 20 сылын туолла. Таатта норуодунай тыйаатырыгар…
Бүгүн, ыам ыйын 19 күнүгэр, суһал иһитиннэриинэн 14:00 ч. Өлүөнэ өрүс мууһа Кэбээйи, Нам уонна…
Иннокентий Пухов төрөөбүтэ 120 сылыгар Биллиилээх фольклорист Иннокентий Васильевич Пухов быйыл кулун тутар 12…
Саха сирэ “Дьоҕус уонна орто биисинэс уонна урбаанньыт тус көҕүлээһинин өйөөһүн” национальнай бырайыакка 2019 сылтан…