Хаартыска: www.sakha.gov.ru
СӨ Ил Дархана Айсен Николаев байыаннай дьайыы ыытыллар сиригэр Саха сириттэн сылдьар байыастары кытта көрүстэ. Үгэс быһыытынан, Ил Дархан байыаннай сулууспалаахтарга тиэхиньикэ, тэрил уонна гуманитарнай көмө туттарда.
Саха сирин буойуттарыгар көмөнү туттара туран, Айсен Николаев байыастар байыаннай иэстэрин чиэстээхтик толороллорун, дойдубут эйэлээх олоҕун уонна кэскилин көмүскүүллэрин бэлиэтээтэ. Бу туһунан www.sakha.gov.ru суруйар.
«Тиэхиньикэ уонна тэрил кинилэр сулууспаларыгар көмөлөһүөхтэрэ, ону таһынан сулууспаларын куттала суох, табыгастаах оҥоруохтара. Биһиэхэ дьиэлэригэр кинилэри умнубаттарын, күүтэллэрин уонна хас биирдиилэринэн киэн тутталларын билэллэрэ-көрөллөрө олус суолталаах», – диэн Ил Дархан бэлиэтээтэ.
Айсен Николаев байыастары кытта кинилэр бойобуой үлэлэрин туһунан кэпсэттэ, баҕа санааларын иһиттэ уонна подразделениелар туохха наадыйалларын чопчуласта. Көрсүһүү түмүгүнэн, Ил Дархан байыастары кытта маннык кэпсэтиилэр Арассыыйа дьиҥнээх күүһэ туохха сытарын санаталлар диэн эттэ.
«Арассыыйа дьиҥнээх күүһэ Ийэ дойдуну көмүскүүр дьоҥҥо, көмөлөһөөччүлэргэ уонна күүтэр дьоҥҥо сытар. Биһиги байыастарбытыгар бэриниилээх буолуу, хорсун санаа уонна төрөөбүт сиргэ таптал көстөр», – диэн Ил Дархан санаатын үллэһиннэ. Байыастар тиэхиньикэ уонна гуманитарнай таһаҕас иһин Айсен Николаевка махтаннылар.
Ил Дархан Саха сириттэн сылдьар байыаннай сулууспалаахтары кытта көрсөөрү байыаннай дьайыы зонатыгар өссө төгүл кэлбитэ улахан суолталааҕын бэлиэтээтилэр.
Санатан эттэххэ, сыл саҕаланыаҕыттан өрөспүүбүлүкэттэн байыаннай дьайыы зонатыгар байыаннайдарга 128 тиэхиньикэ, 171 туоннаттан тахса таһаҕас тиэрдилиннэ. Ол иһигэр аадырыстаммыт баһыылкалар, гуманитарнай уонна кииннэммит көмө өрөспүүбүлүкэ араас министиэристибэлэриттэн, биэдэмистибэлэриттэн, тэрилтэлэриттэн, уопсастыбаннай холбоһуктарыттан уонна муниципальнай тэриллиилэриттэн ыытылынна.
Дьааҥы улууһа төрүттэммитэ 95 сылыгар аналлаах тэрээһиннэр чэрчилэринэн, сэтинньи 13 күнүгэр СӨ Суруйааччыларын сойууһун чилиэннэрэ: …
Сэтинньи 17 күнүгэр СӨ Идэлээх сойуустарын федерацията ыытар идэлээх сойуустар үлэһиттэрин күнүгэр анаммыт дэкээдэ чэрчитинэн,…
Бэйэ дьиэлэнииттэн туох да күндү суох. Бу этии ис хоһооно бүгүҥҥү Саха сирин олохтооҕор, ордук…
Сэтинньи 14 күнүгэр Дьокуускай куорат борокуратуурата силиэдэбэтэл хадатаайыстыбатын өйөөтө, онон суут 2007 с.т. Бүлүү улууһуттан…
Бүтэһик икки хонук иһигэр Күҥҥэ үһүс улахан эстиилэр буоллулар. Ол бүтэһик уон сылга саамай күүстээх…
Эһиил Олоҥхо ыһыаҕа Кэбээйи улууһугар буолуоҕа. Ону тэрийэргэ бэлэмнэнии хайыы үйэ саҕаланна. Бүгүн, сэтинньи 14…