Хаартыска: Ил Дархан пресс-сулууспата
Донецкай Норуодунай Өрөспүүбүлүкэҕэ Саха сирин тирэх пуунугар Ил Дархан Дойдуну көмүскээччилэр күннэригэр аналлаах бородуукта нобуорунан бэлэҕин тиэйбит фургоннар бары тиийдилэр.
Өрөспүүбүлүкэ бэлэхтэрин бастакынан Чуумпу акыйааннааҕы флот муора пехотатын 155-с биригээдэтин пехотинецтара туттулар. Манна Саха сириттэн 100-тэн тахса байыаннай сулууспалаах баар.
Бу туһунан Дьокуускайдааҕы Биир кэлим сүрүннүүр киин Суһал ыстаабын салайааччыта Георгий Кутуков уонна 155-с биригээдэ байыаннай-бэлитиичэскэй үлэҕэ хамандыырын солбуйааччыта холбоһуктаах брифиҥҥэ иһитиннэрдилэр.
Офицер муора пехотинецтарын аатыттан Саха сирин олохтоохторугар махталын тириэртэ.
«Өрөспүүбүлүкэ баһылыга уонна бырабыыталыстыбата биригээдэҕэ элбэхтик көмөлөһөллөр, байыаннай эпэрээссийэҕэ РФ Байыаннай күүстэрин тиһигин быспакка өйүүллэр. Эһиги Саха сирин эрэ буолбакка, Уһук Илин уонна Арассыыйа эрэгийиэннэрин ыччаттарыгар улахан көмөҕүт иһин махтанабыт. Саха сириттэн кэлбит бэлэхтэр олунньу 23 күнүгэр диэри инники кирбиигэ сылдьар байыастарга туттарыллыахтара. Норуот уонна аармыйа биир сомоҕо!” – диэн муора пехотинецтарын хамандыыра иһитиннэрдэ.
Бу күннэргэ Ил Дархан Айсен Николаев бэлэхтэрин сэргэ, байыастарга Нерюнгри улууһуттан гуманитарнай көмө, тырааныспар, “Сокол” квадроцикллар, оһохтор уонна уот генератордарга туттарылыннылар.
Арассыыйа Бэрэсидьиэнэ Владимир Путин байыаннай дьайыыга көмөлөһүүнү дойду эрэгийиэннэрин салайааччыларыгар “майгы-сигили уонна ытык иэс” быһыытынан ааҕар.
СӨ Ил Дарханын уонна бырабыыталыстыбатын пресс-сулууспата
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…
РФ Үөрэҕириитин уонна билимин министиэристибэтигэр иһитиннэрбиттэринэн, үрдүк үөрэх саҥардыллыбыт тиһигин киэҥник киллэрии 2027–2028 үөрэх дьылыгар…
Саха сириттэн Арина Аулова «World russian Beauty-2025» Бүтүн Арассыыйатааҕы кэрэ куо куонкуруһугар «Эдэр мисс Арассыыйа-2025»…
Тааттаҕа күрэс төрүт көрүҥнэригэр "Манчаары оонньууларыгар" көрөөччүлэргэ, ыалдьыттарга соһуччу үөрүүлээх бэлэхтэр туттарыллан дьон-сэргэ үөрүүтэ үрдээн…