Хаартыскаҕа Андрей Сорокин түһэриитэ, СИА
Ил Дархан дьону-сэргэни көрсөн санааларын иһиттэ, ыйытыыларга хоруйдаата.
Ил Дархаҥҥа байыаннай дьайыы кыттыылааҕа Вадим Л. кэргэнэ сырытта, кини бааһырбыт дьону эвакуациялыырга квадроцикллар наадалар диэн кэргэнэ көрдөспүтүн тиэртэ. Байыаннай сулууспалаах 2022 сыллаахха алтынньыга мобилизацияламмыт, дьоруой-танкистар Алексей Неустроев уонна Филипп Евсеев сулууспалаабыт сирдэригэр сулууспалыыр.
Биир кэлим сүрүннүүр киин суһал ыстаабын салайааччытын солбуйааччы э.т. Николай Бугаев иһитиннэрбитинэн, байыаннай дьайыы зонатыгар үс грузовой фургон ыытыллыбыт, 10 массыына тиэрдиллибит. Квадроцикллар ыксылаакка бааллар.
Биир кэлим суһал ыстаапка байыаннай чааһы кытары бииргэ боппуруоһу көрөллөрүгэр, квадроциклы биэриини хааччыйары Айсен Николаев соруйда.
Маны сэргэ, Ил Дархаҥҥа СӨ суут кылаабынай бириистэбэ Сергей Чеглаков сырытта. Кини СӨ суут бириистэптэрин Федеральнай сулууспатын управлениетын үлэһиттэрэ байыаннай дьайыыга барбыт кэллиэгэлэригэр биэрэллэригэр анаан атыыласпыт үс тепловизионнай прицелларын туттарда.
-Биһиги үс кэллиэгэбит байыаннай дьайыы зонатыгар бэйэлэрин баҕа өртүлэринэн барбыттара. Сибээһи тутабыт. Кинилэр түүн көрөргө анал тэрили ыларга көрдөспүттэрэ. Биһиги харчы хомуйан атыыластыбыт. Уонна маны биһиги дьоруойдарбытыгар, байыастарбытыгар тиэрдэллэригэр көрдөһөбүт, — диир Сергей Чеглаков.
Айсен Николаев Сергей Чеглаковка уонна бары кэллиэгэлэригэр байыастарга көмөлөрүн иһин махтанна.
Ил Дархан «Биир ньыгыл Арассыыйа» баартыйа эрэгийиэннээҕи кэмитиэтин салайааччытыгар бу көрдөһүүнү толороллоругар соруйда.
Сиһилии https://www.sakha.gov.ru/news/front/view/id/3388171 манна көрүөххэ сөп.
СӨ Ил Дарханын уонна бырабыыталыстыбатын пресс-сулууспата
Хаартыскаҕа Андрей Сорокин түһэриитэ, СИА
Бүгүн, атырдьах ыйын 30 күнүгэр, офтальмология өрөспүүбүлүкэтээҕи балыыһатын салаата – офтальмология Соҕуруу Саха сиринээҕи киинэ…
Өрөспүүбүлүкэ оскуолаларыгар үөрэх дьыла саҕаланара бу кэллэ. Үөрэхтэн, оскуолаттан сайын устата тэйэ быһыытыйбыт оҕолор саҥа…
Дьокуускайга бүгүн, атырдьах ыйын 30 күнүгэр, аан бастакытын 100 км сүүрүүгэ Арассыыйа чөмпүйэнээтэ ыытылынна. Дьахталларга…
Саха сиригэр 2025 сыл балаҕан ыйын 1 күнүттэн 629 уопсай үөрэхтээһин тэрилтэтэ үлэтин саҕалыаҕа. 152…
Арассыыйаҕа, ол иһигэр Саха Өрөспүүбүлүкэтигэр, социальнай өттүнэн харысхала суох нэһилиэнньэни өйөөһүн — судаарыстыба сүрүн соруктарыттан биирдэстэрэ.…
Дьокуускай куоракка полиция 1 отделын дьуһуурунай чааһыгар чааһынай дьиэтиттэн малын-салын уордарбыт олохтоох киһиттэн сайабылыанньа киирбит.…