https://max.ru/aisen_nikolaev/AZvojyE-Bxw
Кырачаан Айыына Кожурова бэйэтин уонна дьиэ кэргэнин туһунан видеоҕа уһулан олус сэргэхтик уонна холкутук кэпсиирин, саха тылынан интэриэһинэй роликтары устан тарҕатарын Саха сирин үгүс олохтоохторо астына көрөллөр.
Куйаар ситимигэр кинини «оҕо саас амбассадора» диэн ааттыыллар. Саамай киэҥник биллибит видеоларынан Айыына Амма улууһун Болугур сэлиэнньэтигэр эһэтигэр уонна эбэтигэр ыалдьыттыы сылдьан устубута буолар.
Ил Дархан Айсен Николаев Айыына Кожурова Төрөөбүт тыл уонна сурук-бичик күнүгэр анаан #ҺӨҔҮҤ бырайыагын өйөөн, онно кыттар баҕалааҕын туһунан МАХ ханаалыгар иһитиннэрдэ.
—Амматтан төрүттээх Айыына Кожурованы кытары көрүстүм. Айыына күннээҕи олоҕуттан тэттик видеолары устар. Бүгүн кини «ҺӨҔҮҤ» диэн бэйэтин саҕалаабыт челленджын туһунан астына иһиттим. Ол курдук, Айыына сахалыы тыыннаах контент элбиирин курдук дьон-сэргэ сөҕөр-махтайар, кэрэхсиир чахчыларын устан таһаарыҥ диэн ыҥырар. Оҕо бэйэтин төрөөбүт тылынан саҥарара биллэн турар хайҕаллаах. Айыына сахалыы-нууччалыы толлубакка саҥарар, омук тылларын үөрэтэр, араас күрэхтэргэ кыттар. Айыына курдук сытыы-хотуу, аныгылыы толкуйдаах кэнчээри ыччаппыт элбии турдун!, — диэн Айсен Сергеевич суруйда.
Халлаан арыый сылыйда да Дьокуускай куорат кытыы уулуссаларынан бэйдиэ сылдьар ыт ахсаана элбээн барар. Бүгүн…
Ааспыт сууккаҕа Саха сиригэр буруйу оҥоруу биэс түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
Үөрэх үлэһиттэрин тохсунньутааҕы мунньаҕар өрөспүүбүлүкэҕэ педагогическай каадыр боппуруоһун быһаарыыга түөрт тус-туспа тиэмэлээх блоктан турар «Кадровая…
Саха Өрөспүүбүлүкэтин норуот маастара, Духуобунас академиятын академига, П.А. Ойуунускай аатынан Судаарыстыбаннай бириэмийэ лауреата, Култуура үтүөлээх…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Бу күннэргэ аан дойду болҕомтото тохсунньу 19-23 күннэригэр Швейцария Давос куруортугар буола турар Аан дойдутааҕы…