Ил Дархан «Боотур» добровольческай батальон хамандыырын кытта көрүстэ

Ил Дархан Айсен Николаев «Боотур» добровольческай батальон хамандыыра,  «Злой» диэн позывнойдаах байыаһы кытта көрүстэ.

Ил Дархан байыаннай дьайыы кыттыылааҕыттан билиҥҥи быһыыны-майгыны туоһуласта. Инники кирбиигэ сылдьар доброволецтарга эбии туох көмө наадатын ыйыталаста.

Батальон хамандыыра өрөспүүбүлүкэ баһылыгар  байыаннай сулууспалаахтарга болҕомтолорун иһин махтанна.

«Саха сирэ  –  байыаннай сулууспалаахтарга, ол иһигэр «Боотур» батальоҥҥа  улахан көмө оҥорор,  гуманитарнай көмөнү тохтоло суох оҥорор эрэгийиэннэртэн биирдэстэринэн буолар.  Аҕа дойдуларын көмүскүүр сыаллаах биһиэхэ  доброволецтар кэлэ тураллар», –диэн батальон хамандыыра эттэ.