Ил Дархан, бырабыыталыстыба пресс-сулууспата.
Саха сирин мөлүйүөннээх олохтооҕо буолбут Сайыына Онуфриева олорор элбэх кыбартыыралаах дьиэтигэр оҕо былаһааккатын тутуохтара. Бу туһунан Айсен Николаев Мииринэйгэ командировкаҕа бара сылдьан, иһитиннэрдэ.
2023 сыллаахха Гаврил, Арина Онуфриевтарга иккис кыыс оҕолоро төрөөбүтэ. Билигин кыысчаан 1,7 саастаах. Ил Дархан кинилэргэ ыалдьыттаата, бэлэҕин туттарда.
Онуфриевтар олорор дьиэлэрэ 2019 сыллаахха тутуллубута. Ол эрээри, бэдэрээтчит иккис дьиэтин тута илигинэн, дьиэ таһынааҕы тиэргэн оҥоһуута суох.
«Территория АЛРОСА» куонкуруска кыайан, оҕо былаһаакката быйыл тутуллар буолбут.
— Мин бастаан сылдьарбар, Сайыына быыкаайык этэ, билигин биллэ улааппыт, билэр-көрөр баҕалаах, мэник кыысчаан буолбут. Миэхэ кинигэлэрин көрдөртөөтө, бэйэтин тылынан элбэҕи кэпсээтэ. Сотору уһуйааҥҥа барар үһү. Бу кыысчаан мин сүрэхпин сүүйдэ, — диэн Айсен Николаев кэпсээтэ. Кини эдэр ыалга дьолу, доруобуйаны, этэҥҥэ буолууну баҕарда.
Билигин Саха сиригэр 1 мөлүйүөн 7500 киһи олорор. Уһук Илиҥҥэ эбиллэр нэһилиэнньэлээх соҕотох эрэгийиэн буолар. Төрөөһүн көрдөрүүтүнэн Арассыыйаҕа 10 бастыҥ эрэгийиэн иһигэр киирэр. 2024 сылга 10 721 оҕо төрөөбүтэ.
Ил Дархан, бырабыыталыстыба пресс-сулууспата.
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…