Хаартыска «Саха» НКИИХ сайтыттан
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх суруналыыһын уонна ыытааччытын – анал байыаннай дьайыыга сырдык тыына быстыбыт буойун-суруналыыс Алексей Семенов аатынан судаарыстыбаннай бириэмийэни олохтуурга этии киллэрдэ. Кини этиитин Ил Дархан Айсен Николаев өйөөтө.
Өрөспүүбүлүкэ баһылыга Алексейы истиҥник ахтан, кини суруналыыстыкаҕа уһулуччулаах кылаатын бэлиэтээтэ уонна олоҕун толук уурбут биир дойдулаахтарбыт ааттарын үйэтитии суолтатын чорботон эттэ. «Мин эмиэ Алексейы билэр этим. Кини кэрэхсэбиллээх суруналыыс этэ. Кинини кэриэстээһин, уонна анал байыаннай дьайыыга өлбүт бары уолаттарбыт ааттара хайаан да үйэтитиллиэҕэ. Мин саныахпын, Алексей Семенов аатынан маннык бириэмийэни олохтуур тоҕоостоох уонна наадалаах буолуоҕа. Мин ону хайаан да өйүөм», — диэтэ Айсен Николаев.
Ил Дархан «Саха» НКИХ салалтатыгар онуоха сөптөөх этиини суругунан киллэрэллэригэр этэ уонна ону быһаарыахпыт диэн эрэннэрдэ. Олег Марков биир дойдулаах анал байыаннай дьайыы кыттыылаахтарын үйэтитии, ааттарын-суолларын кэлэр ыччакка тириэрдии патриотизм тыыныгар иитиигэ оруолун эттэ. Онно сиэттэрэн Ил Дархан маннык концепция кэлэр өттүгэр патриотизмҥа уонна ыччаты иитиигэ сыһыаннаах тиэмэлэри сырдатыыга эмиэ сөп түбэһэрин эттэ.
Саха Өрөспүүбүлүкэтин баһылыга Айсен Николаев «Саха сирэ – Дьоруойдар дойдулара» каадыр бырагыраамата салҕанан барыаҕын туһунан…
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…