Хаартыска: Мария Васильева, ЯСИА.
Оҕолору кытта сибээстээх быһылааннар тахса тураллара хомолтолоох.
Ол курдук, Дьокуускайга “Ивушка” уһуйаан икки саастаах иитиллээччитэ сототун суон утаҕын тоһуппут. Иккис түбэлтэ Реабилитация уонна спортивнай мэдисиинэ өрөспүүбүлүкэтээҕи киинигэр тахсыбыт. Ол курдук муус устар ыйга Таатта улууһуттан доруобуйатынан хааччахтаах оҕону аҕата арыаллаан аҕалан, эмтэнии куурсун ыла сылдьыбыт. Манна массаастыыбыт диэн оҕо икки атаҕын тоһуппуттар.
Ил Дархан Айсен Николаев, тэрилтэҕэ сылдьан кыра оҕолор оһоллоноллоруттан киһи дьиксинэр эрэ буолбатах, абарар-сатарар диэн эттэ.
“Биир да оҕо эчэйиитэ болҕомтоҕо ылыллыбакка хаалыа суохтаах. Эбиитин буолбуту кистии, эппиэтинэстэн куота сатааһын, төрөппүтү ыгыы эбэтэр формальнай суругунан эппиэт биэрэн кэбиһии тахсыа суохтаах”, — диэн эттэ.
Бастатан туран, Ил Дархан оҕолорго туох баар наадалаах көмөнү оҥорорго сорудах биэрбитин, хас биирдии түбэлтэни бары өттүттэн бэрэбиэркэлиири соруйбутун эттэ:
“Буруйдаахтар эппиэккэ тардыллыахтара, төрөппүттэр кырдьыктарын булар иһин соҕотоҕун киирсиэ суохтаахтар”.
Түмүккэ, тэрилтэлэр салайааччыларыгар туһаайан, Ил Дархан: “Оҕо куттала суох буолуута – бу кураанах формальность буолбатах. Бу эһиги тус бэйэҕит уонна профессиональнай иэскит. Өскөтө ким эрэ ону аанньа ахтыбат буоллаҕына – түмүгэ кытаанах буолуо”, — диэтэ.
Бу тахсыбыт түбэлтэлэринэн Дьокуускай к. борокуратуурата бэрэбиэркэ ыыта сылдьар, ол түмүгүнэн сөптөөх миэрэлэр ылыллыахтара.
Хас да эдэр киһи хамаанда тэринэн, куорат олохтоохторугар уонна ыалдьыттарыгар Дьокуускай куорат устуоруйатын сиһилии кэпсиир…
Пилота суох көтөр аппарааттар, дирижабллар уонна экранопланнар инникитин хотугу таһаҕаһы тиэрдии — ол эбэтэр, Сибиир уонна…
Үөрэх үлэһиттэрин атырдьах ыйынааҕы мунньаҕа, ааспыт сыллары кытта тэҥнээтэххэ, тус бэйэм санаабар, ордук кыһалҕалааҕынан, итиэннэ…
Саха сирин синоптиктара балаҕан ыйын 1 күнүгэр былыттаах, сөҥүүтэ суох күнү-дьылы билгэлииллэр. Күн-дьыл хайдах буолуоҕун…
Киэҥ нэлэмэн хонуу ортотугар араас тиэхиньикэнэн оттуу сылдьар дьону утары көрбүтүнэн тиийдим. Бастаан утаа “уолаттарбын…
Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…