Хаартыска -- Россия 24 ханаал ГТРК "Саха"
Ил Дархан Айсен Николаев «Россия 24» телеханаалга ГТРК «Саха» «Прямой разговор» биэриитигэр көрөөччүлэр ыйытыыларыгар хоруйдаата.
Олохтоохтор көхтөөхтүк кытыннылар, үгүс ыйытыы киирдэ.
«Бырабыыталыстыба саҥа састааба хаһан бигэргэниэй?» диэн ыйытыыга Ил Дархан:
— Алтынньы ортотугар бырабыыталыстыба саҥа састааба бигэргэтиллиэҕэ. Биэс сыл иһигэр бииргэ үлэлээбит дьонум уустук быһаарыыга утумнаахтык, сөптөөх үлэни ыытан кэллилэр. Ол курдук, ковид курдук сыстыганнаах дьаҥы, улахан ойуур баһаардарын бохсууга, социальнай-экэнэмиичэскэй сайдыыга туһуламмыт бырайыактары, барыллары олоххо киллэриигэ, кэскиллээх сүүрээннэри тобулууга көдьүүстээх түмүгү ситистибит. Ол эрээри саҥа үйэ тэтимнээх кэмэ сайдыы сонун хайысхаларын ирдиир. Онон уларыйыы буолуоҕа, — диэн эттэ.
«Ленин пааматынньыга миэстэтигэр төннүө дуо?» эдэр киһи ыйытыыта Ил Дарханы соһутта да, үөртэ да: «Мин бу ыйытыыны аҕа саастаах дьон биэрэллэригэр хоруй биэрээччибин. Эдэр дьон устуоруйа кэрэһиттэрин, пааматынньыктарбыт дьылҕаларын интэриэһиргииллэрэ үөрдэр. Ленин пааматынньыга сэтинньи саҥатыгар миэстэтигэр төннүөҕэ. Билигин кыраапык быһыытынан пааматынньыгы саҥардыы үлэтэ саамай үгэнэ».
«Ленин болуоссатын саҥардыы хаһан түмүктэниэҕэй?» диэн ыйытыыга Айсен Николаев маннык хоруйу биэрдэ:
— Мин өссө Дьокуускай куорат баһылыгынан үлэлии олордохпуна Ленин болуоссатын саҥардар туһунан кэскиллээх боппуруос дьүүллэһиитэ саҕаламмыта. Дьэ дьүүллэһиллэн, ырытыллан бу күннэргэ «Сэттэ» хампаанньа киин болуоссат өрөмүөнүн, тас көстүүтүн саҥардыыны саҕалаата. Араас этии киирбититтэн туох быһаарыы ылыллан олоххо киирбитин эһиил көрүөхпүт»,- диэтэ.
Салгыы Ил Дархан «Звезднай» кыбартаал тутуллуутун, Владивостокка ыытыллыбыт экэнэмиичэскэй пуорум түмүктэринэн киирбит ыйытыыларга хоруйдаата.
Куйаар ситиминэн барбыт биэриини бу сигэнэн киирэн көрүҥ:
https://youtube.com/live/nfgBFSU98kU
Элбэх оҕолоох ыалларга анал бырагыраама баар буолан, олорор дьиэлэрин сыанатын толуйарга үп-харчы көрүллэр. Ипотеканы төлөөһүҥҥэ…
Бүгүн, бэс ыйын 1 күнүгэр, П.А.Ойуунускай аатынан Саха Академическай тыйаатырыгар бойобуой дьайыы бэтэрээннэрин күнүн бэлиэтээһинэ…
Ааспыт нэдиэлэ устата түөкүттэр буруйу оҥорор дьайыыларыттан өрөспүүбүлүкэ 15 олохтооҕо эмсэҕэлээтэ, кинилэртэн албыннатан былдьаппыт харчыларын…
Өрөспүүбүлүкэ киин куоратын уулуссаларыгар «дрифтээбит» 27 саастаах Дьокуускай олохтооҕо холуобунай дьыалатыгар бириигэбэрэ таҕыста. Кини РФ…
2023 сыллаахха сэтинньи 23 күнүгэр Ил Дархан Айсен Николаев өрөспүүбүлүкэ олоҥхоһуттарыгар, оһуохайдьыттарыгар уонна тимир уустарыгар…
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…