Ил Дархан быһа эпииригэр 900-тэн тахса ыйытыы киирбит

Саха сирин Ил Дархана Айсен Николаев быһа эпиирэ саҕаланна.

Колл-киинтэн кэрэспэдьиэн Марфирина Алексеева иһитиннэрбитинэн, быһа эпииргэ өрөспүүбүлүкэ олохтоохторуттан ыйытыылары ылыы ааспыт  нэдиэлэттэн саҕаламмыт. Бу киэһээҥҥи иһитиннэриинэн уопсайа 900 -тан тахса ыйытыы киирбит.

Быһа эпиир «НВК Саха», «Якутия 24», «Россия 24», «Тэтим» араадьыйа, «Радио России», «Виктория Саха», «СТВ-радио» ханаалларыгар, ону сэргэ, үгэс курдук, Айсен Николаев социальнай ситимнэригэр көстөр.