Хаартыска: СИА
Бэнидиэнньиккэ, ахсынньы 16 күнүгэр, Ил Дархан Айсен Николаев өрөспүүбүлүкэ бырабыыталыстыбатын салайааччыларын, дьаһалтатын кытта былааннаах мунньаҕы ыытта.
Көрсүһүүгэ ураты болҕомто 2024 сыл бүтүөр диэри болдьохтоох социальнай уонна инфраструктурнай эбийиэктэри тутууга уурулунна. Бу туһунан СӨ Ил Дарханын уонна Бырабыыталыстыбатын пресс- сулууспата иһитиннэрэр.
Ил Дархан эбийиэктэри тутууга хонтуруол үлэтин күүһүрдэргэ, судаарыстыбаннай хантараагынан олохтоммут болдьоҕу тутуспат түгэннэригэр ыстарааптыыр сааҥсыйалары туһанарга сорудахтаата.
«Бүтэһик үлэ нэдиэлэтин ининээҕи үлэ нэдиэлэтэ саҕаланар. Улахан эбийиэктэри тутууну түмүктүүллэригэр бары күүспүтүн түмэн үлэлиэхтээхпит. Эһиилги сылга сөбө суох биричиинэнэн көһөрүллүбүт эбийиэктэр тутааччыларга ыстарааптыыр сааҥсыйалар туттуллуохтаахтар», – диэтэ Айсен Николаев.
Ону сэргэ 2024 сыл бүтүөр диэри сааскы халаан уутуттан эмсэҕэлээбиттэргэ бары төлөбүрдэри барытын тиэрдэргэ сорудахтаата.
«Бу күннэргэ халаантан эмсэҕэлээбиттэргэ үбү-харчыны түргэнник тиэрдиэххэ, бу үлэнэн күннээҕи хонтуруолу хааччыйыахха наада», — диэтэ Айсен Николаев.
Санатан эттэххэ, Арассыыйа Бырабыыталыстыбата халаан уутуттан эмсэҕэлээбиттэргэ резервнэй пуондаттан 655 мөл. солк. көрбүтэ, өссө 330 мөл. солк. өрөспүүбүлүкэ бүддьүөтүгэр угуллубута. Маны таһынан сүбэ мунньахха миэдиктэргэ онкологияны арыйыыга төлөбүрдэри анааһын, Судаарыстыбаннай өҥө порталын нөҥүө бас билээччилэр уопсай мунньахтарын ыытыы, Саха сирин быйылгы социальнай-экэнэмиичэскэй балаһыанньатын көрдөрүүлэрэ, кыһыҥҥы усулуобуйаҕа ОДьКХ уонна агробырамыысыланнай комплекс үлэтин дьүүллэстилэр.
Дьокуускай олохтооҕо буомба иитиллибитин туһунан сымыйа иһитиннэриини тарҕатан буруйдааҕынан ааҕылынна. 41 саастаах эр киһиэхэ холуобунай…
Ставропольскай кыраай олохтооҕо бэрик биэрбитинэн уопсай эрэсиимнээх холуонньаҕа тоҕус сылга көҥүлэ быһылынна. Суут Нерюнгрига буолла.…
Үөһээ Бүлүү улууһун баһылыга Валерий Николаев тыа хаһаайыстыбатын салалтатын кытта эһиилгиттэн олоххо киирэр боппуруостары дьүүллэстэ.…
Саха сиригэр Кыһыл кинигэҕэ киирбит 11 хатыыһы бултаан омук гражданина буруйданна. Бу туһунан ахсынньы 16…
“Ыллаа-туой, тыам сирэ!” өрөспүүбүлүкэтээҕи бырайыак чэрчитинэн ырыаһыт, ырыа айааччы Валерий Ноев төрөөбүтэ 85 сылын, үбүлүөйдээх…
РФ Үлэҕэ, социальнай сайдыыга миниистирэ Антон Котяков ахсынньы 28 күнүгэр үлэ күнэ кылгас буолуон сөп…