Ил Дархан бырамыысыланнас тэрилтэлэрин өйөбүллэрин бэлиэтээтэ

Share

Ил Дархан Айсен Николаев СӨ Судаарыстыбаннай Мунньаҕар (Ил Түмэҥҥэ) туһаайан этиитигэр бырамыысыланнас салаатын тэрилтэлэрэ социальнай хайысхалаах үлэҕэ улахан көмөнү, өйөбүлү оҥороллорун бэлиэтээтэ.

Быйыл сайын Өймөкөөн улууһугар иккитэ буолбут алдьатыылаах халааҥҥа Өймөкөөн улууһугар көмүс хостуур тэрилтэлэр улахан  өйөбүлү оҥордулар. Бу туһунан Өймөкөөн улууһун «Инфраструктура сайдыытын уонна тэрээһин-правовой өйөбүл сулууспатын» МБУ салайааччыта Михаил Бурцев санаатын бу курдук үллэһиннэ:

Ил Дархан кэлиҥҥи сэттэ сылга сир баайын хостуур тэрилтэлэр социальнай бырайыактарга 45 миллиард солкуобайдаах көмөнү оҥордулар диэн бэлиэтээтэ. Кини айылҕа иэдээнин кэнниттэн чөлүгэр түһэрии үлэтигэр улахан үлэ барбытын, сүҥкэн өйөбүл оҥоһуллубутун эттэ. Чөлүгэр түһэрии үлэтин чэрчитинэн Өймөкөөн нэһилиэгэр – икки, Сордоҥнооххо биир түөртүү кыбартыыралаах дьиэлэри аҕыйах кэм иһигэр тутуллан киирдилэр. Бу дьиэлэргэ бэдэрээччитинэн Петр Старостин “Эркин” тэрилтэтэ үлэлээтэ. Олохтоохтор ааттарыттан бэдэрээччит «Западная» АУо, «Восток» ХЭУо, «Омега» ХЭУо көмүс хостуур тэрилтэлэр үптэринэн тутуллубут дьиэлэргэ анал өйдөбүнньүк бэлиэлэри ыйаата.  

Хаартыска: Михаил Бурцев тиксэриитэ.

Чөлүгэр түһэрии үлэтигэр атын да көмүс хостуур тэрилтэр үтүмэн көмөнү оҥордулар.

Ол курдук, бэҕэһээ үөрүүлээх быһыыга-майгыга «Сахам сирэ 21-с үйэҕэ» хамсааһын чэрчитинэн үлэҕэ киирбит Үчүгэй нэһилиэгин орто осуолатын тутуугар «Сусуман Золото» уонна «Поиск» акционернай тэрилтэлэр үбүлээһиҥҥэ көмөлөстүлэр. 

Маныаха улуус салалтата быйыл Өймөкөөҥҥө 16 сир баайын туһанар тэрилтэлэри кытта анал сөбүлэҥ түһэрсибитэ төһүү күүһүнэн буолла. Бырамыысыланнас салаатын тэрилтэрин кытта улуус сайдыытын туһугар мантан салгыы бииргэ үлэлэһиэхпит.

Recent Posts

  • Култуура
  • Сонуннар

“Оҕо сүрүн ырыалара” бырайыак аныгы оҕоҕо ордук чугас

Арассыыйаҕа “Оҕо сүрүн ырыалара” айар бырайыак күүскэ сайдар. Бэрэсидьиэн култуура көҕүлээһиннэригэр пуондатын өйөбүлүнэн Кыайыы мусуойа…

7 минут ago
  • Сонуннар
  • Уопсастыба

“Култуура үлэһиттэригэр анаммыт сыл диэн өйдүүр сыыһа”

“Сахафильм” киинэ хампаанньа салайааччыта Алексей Егоров култуура, патриотизм туһунан санаатын үллэстэр: -Ил Дархан бүгүн Ил…

22 минуты ago
  • Сонуннар
  • Уопсастыба

Саҥа дьылы, саҥа сылы уратытык көрсөөрү

Саҥа 2026 сылга үктэнэрбит чугаһаата. Хас биирдии дьиэ кэргэн, оҕотуттан улахан киһитигэр тиийэ, саҥа сылтан туох…

37 минут ago
  • Сонуннар
  • Хаартыска/Видео

«Сэмсэ тыл»: Украинаҕа көмө харчы лаппа аҕыйаабыт

Ааспыт нэдиэлэҕэ Европалар Россия хам хатана сытар харчытын халыы сатаатылар. Харчыны харайааччы Бельгия утаран, ити…

54 минуты ago
  • Аҕа дойдуну көмүскээччи сыла
  • Сонуннар

«Ыччат кииннэрин эһиилгиттэн улуустарга киллэрэн барыахпыт»

Ыччат миниистирэ Петр Шамаев, Ил Дархан ыччат бэлиитикэтигэр болҕомто күүскэ уурарын бэлиэтиир: -Ил Дархан бүгүҥҥү…

56 минут ago
  • Сонуннар
  • Уопсастыба
  • Үөрэх

Уопсай үөрэхтээһин хаачыстыбатын үрдэтэр былаан ылыныллыаҕа

Саха сиригэр уопсай үөрэхтээһин хаачыстыбатын үрдэтиигэ Былаан ылынылларын туһунан Ил Дархан СӨ Судаарыстыбаннай Мунньаҕар (Ил…

1 час ago