Ил Дархан быыбар хампаанньата аһаҕастык ыытылларыгар, чиэһинэйдик ааһарыгар эттэ

Ил Түмэн 44-с пленарнай мунньаҕар Ил Дархан Айсен Николаев тыл этэригэр быйылгы быыбар чиэһинэйдик уонна аһаҕастык барыахтааҕын бэлиэтээтэ.

«2023 сылга өрөспүүбүлүкэбит бэлитиичэскэй олоҕор дьоһун суолталаах түгэн тосхойуоҕа – Саха Өрөспүүбүлүкэтин Ил Дарханын уонна Ил Түмэн дьокутааттарын быыбардара буолуохтара. 10 улуус баһылыга уонна 23 оройуоннааҕы сэбиэт, ол иһигэр Дьокуускай куорат Дууматын дьокутааттара талыллыахтара. Поселениелар муниципальнай куорпустара саҥардыллыаҕа. Биһиги гражданнар санааларын көҥүл этэллэригэр, быыбар хампаанньата аһаҕастык ыытылларыгар, бэлитиичэскэй киирсии чиэһинэйдик ааһарыгар усулуобуйаны тэрийэр соруктаахпыт», — диэтэ Ил Дархан.

Айсен Иниколаев хандьыдааттар быыбардааччыларын кытары көрсүһэллэригэр бары итинэн салайтарыахтаахтарын – ол саамай суолталааҕын тоһоҕолоон бэлиэтээтэ.