Ил Дархан Чульмаҥҥа тутуу хаамыытын билистэ

Бүгүн Ил Дархан Айсен Николаев  Нерюнгри оройуонугар үлэлиир. Чульмаҥҥа 9-с нүөмэрдээх саҥа оскуола тутуутун бэрэбиэркэлээтэ. 

-Саҥа оскуола 6 тыһ. кв. м. иэннээх. Ый анараа өттүгэр графиктан хаалыы баара. Ону туоратарга сорудахтаабытым.  Үлэ  тэтиминэн барбыт. Бөһүөлэк олохтоохторо оскуола тутуутун бары кэтэһэллэр.  Онон, бытаарыы тахсыа суохтаах. Үлэни өссө күүһүрдэргэ сорудахтаатым. Чульмаҥҥа хаарбах дьиэттэн дьону көһөрүү бырагырааматынан номнуо 17 дьиэ тутуллан, 900 ыал саҥа дьиэнэн хааччыллыбыт.  Үлэ бу хайысханан салгыы барар.  Бүгүн элбэх кыбартыыралаах үс дьиэ тутуутун хаамыытын көрдүм.  Тутуу тэтиминэн улаханнык астымматым. Үлэһит ахсаанын элбэтиэххэ наада уонна тутууну бу сыл бүтүөр диэри тиһэҕэр тириэрдиллиэхтээх, — диэн Ил Дархан телеграмҥа суруйда.