Андрей Сорокин хаартыската
Ил Дархан Айсен Николаев дьадайыыны утары ылыллар миэрэлэр туһунан стратегическай ыйаахха илии баттаата. Ситиһиллиэхтээх сыал – биэс сыл иһигэр дьадайыы таһымын икки төгүл намтатааһын.
Бу сыалы судаарыстыбаннай былаас уонна олохтоох бэйэни салайыныы уорганнара бииргэ үлэлээн ситиһиэхтээхтэр.
Дьадайыыны утары үлэҕэ Саха сирин олохтоохторун дьиҥнээх дохуоттарын үрдэтээһин сүрүн сорук буоларын туһунан Ил Дархан биллэрдэ уонна бырабыыталыстыба, улуус дьаһалтатын салайааччыларыгар, куорат дьаһалтатыгар бу үлэни тута саҕалыылларыгар дьаһал биэрдэ.
“Кэлэр биэс сыл устата Саха сирин олохтоохторо дьадайыы туругуттан тахсалларын туһугар туох баар кыахпытын ууруохтаахпыт. Бу үлэ былаас бары салаалара бииргэ дьаһанан үлэлиирбитин эрэйэр. Ону кытта бу үлэни уопсастыба, бөдөҥ урбаан өйүүрэ олус суолталаах”, — диэн эттэ Айсен Николаев.
Дьадайыы таһымын намтатар туһугар хамнаһы үрдэтии, үлэлиир дьон ахсаанын элбэтээһин, үбүнэн тиийиммэт түгэҥҥэ тиийбиттэргэ социальнай өйөбүлү оҥоруу былааннанар. Бу туһугар дьоҕус уонна орто урбаан эйгэтигэр үлэ миэстэтин элбэтиигэ болҕомто ууруллуо, социальнай хантараак көдьүүстээх буоларын үрдэтии үлэтэ ыытыллыа.
Улуус баһылыктарыгар туһаайан Ил Дархан Айсен Николаев:
-Былааннаммыт соруктары муниципальнай тэриллиилэр таһымнарыгар киллэрии – дьон олоҕун хаачыстыбата тупсубутун туоһута буолуоҕа. Онон, эһиэхэ, улуустар уонна куораттар салайааччыларыгар улахан ирдэбили аныыбын, ситиһиилээх үлэни күүтэбин,- диэтэ.
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…