Ил Дархан Дьиэ кэргэн, таптал уонна бэриниилээх буолуу күнүнэн эҕэрдэтэ

Ил Дархан Айсен Николаев ТГ-ханаалыгар Дьиэ кэргэн, таптал уонна бэриниилээх буолуу күнүнэн эҕэрдэлээтэ.

«Бу бырааһынньык аатыгар биһиги хас биирдиибит олоҕор саамай сүрүн сыаннастар угуллубуттар, тоҕо диэтэххэ киһи аан дойдуга күүһэ-уоҕа дьиэ кэргэнигэр сытар. Дьиэ кэргэн – таптал, кыһамньы уонна сылаас уйата.

Сахабыт сирэ мэлдьитин бөҕө туруктаах улахан дьиэ кэргэннэринэн, баай үгэстэринэн биллэр. Кинилэр – биһиги киэн туттуубут, эрэллээх тирэхпит уонна кэскилбит!

Бу кэрэ бэлиэ күҥҥэ бары дьиэ кэргэҥҥэ дьолу, умуллубат алаһа уотун, кытаанах доруобуйаны баҕарабын! Хас биирдии дьиэ кэргэҥҥэ таптал уонна этэҥҥэ буолуу туругурдун!

Сахабыт Сирин хас биирдии ыалын алаһа дьиэтэ тапталынан, оҕо лыҥкынас куолаһынан уонна дьолунан толору буоллун!»,- диир Айсен Николаев.