Хаартыска - СӨ Ил Дарханын уонна Бырабыыталыстыбатын пресс-сулууспата
Ил Дархан Айсен Николаев РФ Ыччат дьыалаларыгар федеральнай ааҕыныстыба салайааччытын солбуйааччы Дамир Фаттаховы кытта көрүстэ.
Өрүттэр «Патриот» ыччат киинин дьиэтин саҥардыы бырайыагын олоххо киллэрии туһунан кэпсэттилэр. Арассыыйа бэрэсидьиэнэ Владимир Путин соругунан “Эригийиэн ыччакка” диэн ыччат бэлиитикэтин кэлимник сайыннарыыга аналлаах дойду таһымнаах куонкуруска кыайан, бу киини тутууга анаан Саха сирэ 128 мөлүйүөнтэн тахса солкуобай суумалаах субсидияны ылбыта.
Көрсүһүү кэмигэр өрөспүүбүлүкэҕэ ыытыллар ыччат сүрүн тэрээһиннэрэ, чуолаан, “ТАБЫС” култуурунай-сырдатар ыччат бэстибээлэ уонна дойду таһымнаах оҕо уонна ыччат байыаннай-патриотическай “Юнармия” уопсастыбаннай хамсааһынын чэрчитинэн балаҕан ыйыгар ыытыллар өрөспүүбүлүкэтээҕи патриотическай сүлүөт туһунан кэпсэттилэр.
Каадырдары талыыга көдьүүстээх үлэлээх салайар хамаанданы тэрийиигэ туһуламмыт “Якутия, вперед!” куонкуруска 2023 сылга 537 сайабылыанньа киирбит, оттон финалга өрөспүүбүлүкэ 23 улууһуттан 93 кыттааччы киирбит. Саамай элбэх баалы ылбыт финалистары салайар каадыр резервэтигэр киллэрбиттэр, ону тэҥэ бырабыыталыстыбаҕа үрдүк дуоһунастарга анаммыттар.
Ил Дархан Айсен Николаев “Муус устар — 2025” ыччат бэстибээлигэр Ыччат дьыалаларыгар федеральнай ааҕыныстыба салалтатын ыҥырда. Айсен Николаев өрөспүүбүлүкэ ыччата 2025 сылга «Росмолодежь.Гранты» кыттарга бэлэмин туһунан иһитиннэрдэ.
Маны тэҥэ, өрүттэр Арассыыйаҕа ыччат уонна оҕо туризмын сайыннарыыга туһуламмыт “Больше, чем путешествие” дойду таһымнаах бырагыраамаҕа “Полёт сибирского журавля” научнай орнитологическай обсерваторияны киллэриини ырыттылар. Бу хамсааһын биэдэмистибэ өйөбүлүн ылла.
Санатан эттэххэ, Экэнэмиичэскэй пуорумҥа Саха сирэ “Полёт сибирского журавля” бырайыагы билиһиннэрбитэ. Тэрээһин туризм, наука, киинэ уонна хаартыска индустриялара бииргэ үлэлээһиннэрин, ону тэҥэ Кыһыл кинигэҕэ киирбит көтөрдөрү кэтээн көрүүнү түмүөҕэ.
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Людмила Попова "Оҕо кута" кэпсээнин…
2026 сыл хайдах буолуоҕун Саха сиригэр киэҥник биллибит экстрасенс Алексей Иванович Божедонов‑Сырдык хаһыаппыт ааҕааччыларын кытары…
Тохсунньу – Таҥха Хаан Айыы ыйа. Тохсунньу тутула Тохсунньуну былыр бүтэй кэм дииллэрэ. Хотугу сахалар…
Саха сиригэр саҥа сыл саҕаланыытыгар тыаллаах уонна тымныы күн-дьыл турарын туһунан Саха сиринээҕи гидрометеокиин иһитиннэрэр. …
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…