Хаартыска sakha.gov.ru ылылынна
Ил Дархан Айсен Николаев ДНӨ үлэтинэн сылдьан Саха сирин быраастарын көрүстэ. Кинилэр онно Докучаевскай куораттааҕы балыыһатыгар үлэлии сылдьаллар.
Ил Дархан үлэлэрин-хамнастарын билистэ уонна олохтоох дьоҥҥо көмөлөрүн иһин махтанна. Быраастар биригээдэлэригэр өрөспүүбүлүкэтээҕи офтальмологическай килиниичэскэй балыыһа, онкология диспансерын уонна 2 №-дээх өрөспүүбүлүкэтээҕи балыыһа исписэлиистэрэ бааллар.
«Элбэх киһи биһиги быраастарбытыгар киирээри олорор. Холобур, биһиги офтальмологтарбыт аҥаардас Докучаевскайга 200-тэн тахса эпэрээссийэни оҥорор былааннаахтар. Олохтоохтор биһиги быраастарбытыгар наһаа махтаналлар. Мин Дьокуускайга олорбут Владимир Петровиһы көрүстүм. Саха сиригэр олорбут кэмин олус истиҥник ахтар-саныыр. Дьон доруобуйатын харыстабылыгар үлэлиир быраастарга махтал», — диэн кини ТГ-ханаалыгар суруйар.
Манна даҕатан эттэххэ, бу үлэ Ил Дархан Айсен Николаев сорудаҕынан ыытыллар.
«Мин катаракталаах этим. Бэҕэһээ хаҥас харахпын эпэрээссийэлээтилэр, бүгүн уҥабын оҥороллор. Саха сирин быраастарыгар, ону сэргэ бэйэбит олохтоох быраастарбытыгар махтанабын. Наһаа истиҥ сыһыаннаахтар, болҕомтолоохтор«, — диэн Докучаевскай куорат олохтооҕо Нина Кашапова санаатын үллэстэр.
ДНӨ Айсен Николаев Саха сириттэн сылдьар байыастары көрүстэ. Тирэх пууҥҥа Ил Дархан тиэхиньикэлэр баартыйаларын туттарда. Саха сириттэн сулууспалыыр байыастар байыаннай чаастара «Патриотическая» ТОР резиденигэр «Якт-Сокол» ХЭУо бэлэмнээбит сэттэ вездеходун сэртипикээтин туттулар.
СӨ Ил Дарханын уонна Бырабыыталыстыбатын пресс-сулууспата
Сэтинньи саҕаланна да, Өктөөп идеяларын өрө тутан кэлбит оҕо, эдэр сааспыт күргүөмнээх күннэрэ хайдах да…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Сыл ахсын сэтинньи саҥатыгар Арассыыйа бары эрэгийиэннэригэр "Ускуустуба түүнэ" диэн аахсыйа ыытыллар. Тэрээһин Норуоттар сомоҕолоһууларын…
Мүөттээх бальзам 500 г. грецкэй эриэхэни, 300 г. мүөтү, 100 г. алоэ сүмэһинин, 4 лимону…
Сарсын, сэтинньи 4 күнүгэр, Дьокуускайга трофейнай байыаннай тиэхиньикэ быыстапката арыллыаҕа. Бу күн биир сүрүн тэрээһининэн…
Владивостокка буолбут Уһук Илиҥҥи хуор олимпиадатыгар "Кыра оҕолор хуордара" номинацияҕа кыттан, "Туймаада эрэлэ" дипломунан уонна үрүҥ…