«ВЭБ.РФ өрөспүүбүлүкэбитигэр дэлэгээссийэнэн көтөн кэлбиттэригэр махтанабын. Биһиэхэ маастар-былаан бырайыактара олоххо киириилэрэ улахан суолталаах. Бу үлэ толоруллуутун туһунан мин РФ Бэрэсидьиэнэ өрөспүүбүлүкэбитигэр кэлэ сырыттаҕына иһитиннэрбитим. Бу бырайыактар куорат уонна өрөспүүбүлкэ олохтоохторун олохторун хаачыстыбата тупсарыгар быһаччы дьайар суолталаахтар», – диэн Айсен Николаев бэлиэтээтэ.
Өрөспүүбүлүкэ бырабыыталыстыбатын уонна куорат дьаһалтатын, ВЭБ.РФ кыттыһан олоххо киллэриллиэхтээх бырайыактарын быыстарыгар уулусса уотун саҥардыы, сынньалаҥ, култуура пааркатын реновациялааһын, өрүһү туоруур муоста туһаайыытынан Табаҕа диэки тырааныспар-логистическай комплексын тутуу, ону сэргэ Дьокуускайга уопсастыбаннай тырааныспары модернизациялааһын, киинэ павильонун тутуу, ВОЛС ситимин Арктикаҕа тиэрдии былааннанар.
«Элбэх сыллар усталара ВЭБ.РФ хамаандата Саха сирин кытта ураты сыһыаны олохтоото. РФ Бэрэсидьиэнэ кэлэн барбытын кэннэ биһиги манна кэлбиппититтэн үөрэбит. Киэн тутта бэлиэтээтэххэ, дойду бэрэсидьиэнигэр олус интэриэһинэй бырайыактар билиһиннэриллибиттэрэ. Бары күүһү ууран бу бырайыактар түргэнник олоххо киирэллэригэр кыһаныахпыт», — диэн ВЭБ.РФ биисинэс-блогун куорат сайдыытыгар салайар Ирина Макиева бэлиэтээтэ.
Дьокуускай баһылыга Евгений Григорьев мунньах кэмигэр маастар-былааҥҥа киирбит түөрт көрүллүбүт бырайыагы иһитиннэрдэ.
«Бу бырайыактар олоххо киириилэрэ ВЭБ.РФ лииньийэтинэн чэпчэтиилээх үбүлээһининэн көрүллэр. Бу сыл устата дуогабардары түһэрсиэхпит дии саныыбын», – диэн Евгений Григорьев бэлиэтээтэ.
Бырабыыталыстыба бэрэссэдээтэлин солбуйааччы Анатолий Семенов элбэх функциялаах киинэ павильонун Дьокуускайга тутуу бырайыагын билиһиннэрдэ, ону сэргэ «Синергия Арктики» түргэн интэриниэт ситиминэн өрөспүүбүлүкэ уһук оройуоннарын хааччыйыыны бэлиэтээтэ.
Бырайыак суумата быһа холоон 12 млрд. солк. тэҥнэһэр. Бырайыактары олоххо киллэриигэ чэпчэтиилээх кирэдьиит туһунан ВЭБ.РФ кытта кэпсэтистилэр. Ол курдук, Анатолий Семенов бэлиэтииринэн,«Синергия Арктики» бырайыак көхтөөхтүк олоххо киирэн эрэрин эттэ.
Өрөспүүбүлүкэ бары арктическай оройуоннарын хабан, 86 нэһилиэнньэлээх пууну интэриниэт ситиминэн хааччыйыыны бэлиэтээтэ. Ол курдук, бырайыак олоххо киириэхтээх бастакы оройуонунан Эдьигээн буолбута. ВОЛС ситимигэр үс нэһилиэнньэлээх пуун холбоммута.
Вице-премьер бэлиэтээбитинэн, киинэ павильонун тутуута саҥа саҕаламмыт. «Бу 26 тыһ.иэннээх ураты, аныгы комплекс буолуоҕа», –диэн Анатолий Семенов иһитиннэрдэ.
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…