Салгыы
Ил Дархан Дьокуускайга Педагог уонна уһуйааччы сылын түмүгүн таһаарда

Ил Дархан Дьокуускайга Педагог уонна уһуйааччы сылын түмүгүн таһаарда

29.12.2023, 19:44
Хаартыска: Андрей Сорокин, СИА.
Бөлөххө киир:

Ил Дархан Айсен Николаев Саҥа дьыл иннинэ Дьокуускай куорат педагогическай уопсастыбыннаһын көхтөөх дьонун кытта көрсүһүүтэ Педагог уонна уһуйааччы сылын үөрүүлээхтик түмүктээһиҥҥэ ананна.

Хаартыска: Андрей Сорокин, СИА.

2023 сыл Арассыыйаҕа Педагог уонна уһуйааччы, Саха Өрөспүүбүлүкэтигэр Үлэ сылларыгар ананан ааста. Саха сирин, Дьокуускай куорат  педагогическай холбоһуктара ааһан эрэр сыл үтүө түгэннэрин киинигэр сырыттылар. Бу сыл педагог үлэтигэр, уһуйааччы уопутугар, үүнэр көлүөнэни иитии бастыҥ үгэстэрин утумнааһыҥҥа ытыктабыл быһыытынан ааста. Инникибит педагогтар илиилэригэр баарын салгыбакка этэбин, чопчу инникигэ дьулуһуу эһиги үтүө идэҕит суолталаах сыаннаһынан буолар. Бу эһиги күннээҕи үлэҕитигэр эрэ буолбакка, көхтөөх гражданскай быһыыгытыгар көстөр”, — диэн Айсен Николаев эттэ.

Ил Дархан дойду бэрэсидьиэнэ Владимир Путин Арассыыйаҕа биллэрбит үүнэр 2024 сыл соруктарын бэлиэтээтэ.

Педагог уонна уһуйааччы сылыгар Саха сирин бары үөрэҕин тэрилтэлэригэр уһуйуу систиэмэтэ киирдэ, 6,8 тыһ. педагогу хаптылар, ол иһигэр 35-гэр диэри саастаах — 2,4 тыһ. тахса эдэр педагогу уонна 1,2 тыһ. тахса үс сылга диэри ыстаастаах эдэр учууталлары.

Өрөспүүбүлүкэҕэ аан бастакытын 36 бастыҥ уһайааччы-педагокка 100 тыһ. солк. кээмэйдээх Ил Дархан гранын олохтоон туттардылар. Ону тэҥэ, идэлэригэр ситиһиилэрин иһин 100 педагогу 100-түү тыһ. солк. анал бириэмийэлэринэн бэлиэтээтилэр. Өрөспүүбүлүкэ Бырабыыталыстыбата эдэр педагогтарга аадырыстаах өйөбүлү – айаннарын ороскуотун толуйуу биир кэмнээх босуобуйа төлөбүрүн саҥа миэрэтин олохтоото.

Дьокуускайга биир кэлим эксээмэҥҥэ 100 бааллаах оҕону бэлэмнээбит учууталга наҕараада олохтонно, быйыл 7 учуутал тутта. Түөрт оскуолаҕа үөрэх хаачыстыбатын тупсарыы бырайыактарын олоххо киллэриигэ анаан 500 тыһ. солк. граннары туттардылар. Сыл түмүгүнэн үчүгэй түмүгү көрдөрбүт математика, химия, биология уонна информатика учууталлара 50 тыһ. солк. бириэмийэнэн бэлиэтэннилэр.

Бүгүн 1953-2009 сс. өрөспүүбүлүкэ эбии үөрэхтээһиҥҥэ кырдьаҕас, улахан тэрилтэтин дириэктэрэ, Саха АССР оскуолаларын үтүөлээх учуутала, “Хотугу сулус” уордьан кавалера, Дьокуускай куорат бочуоттаах олохтооҕо Ф.И.Авдеева төрөөбүтэ 100 сылыгар анаан, Оҕо айымньытын дыбарыаһын болуоссатыгар скульптурнай оҥоһугу арыйдылар.

Айсен Николаев болҕомтону өрөспүүбүлүкэ киин куората Арассыыйа бэрэсидьиэнин уруккуга холооно суох өйөбүлүн ылбытыгар туһаайда.

Өрөспүүбүлүкэ киин куоратыгар баара-суоҕа икки сыл иһигэр 7 оскуоланы үлэҕэ киллэрэри былаанныыбыт. Быйыл 3 дьиэ тутулунна, эһиил өссө 4 дьиэни тутуохпут. Уһуйааннар эмиэ тутуллуохтара. Бу барыта куораппытын тупсарыаҕа, Дьокуускай ирбэт тоҥ усулуобуйатыгар аан дойдуга бастыҥ куоратынан буолуоҕа. Бары түмсэн маны булгуччу оҥоруохпут”, — диэн өрөспүүбүлүкэ баһылыга бэлиэтээтэ. Сиһилии манна ааҕыҥ.

Ил Дархан уонна Бырабыыталыстыба пресс-сулууспата.

+1
0
+1
0
+1
0
+1
1
+1
0
+1
0
+1
0
Бары сонуннар
Салгыы
14 июня
  • 14°C
  • Ощущается: 13°Влажность: 72% Скорость ветра: 0 м/с

Сообщить об опечатке

Текст, который будет отправлен нашим редакторам: