Ил Дархан: “Дьон быыбарданар уонна быыбардыыр бырааптара быһыллыбат”

“Саха” ГТРК  “Быһа кэпсэтии” биэриитигэр Ил Дархан Айсен Николаев СӨ Төрүт Сокуонугар киирэр уларытыылар өрөспүүбүлүкэ дьонун-сэргэтин олоҕун хааччахтаабаттар, төттөрүтүн Арассыыйа правовой хонуутугар олорор, сайдар кыаҕы  биэрэллэр диэтэ.

“Дьон быһаччы санаатын этэр көрүҥнэринэн олохтоох референдум, муниципальнай быыбардар, бэйэлэрэ түмсэн мунньахтыыллара буолар. Онон олохтоох бэйэни салайыныыга киирэр уларытыылар дьон быыбарданар уонна быыбардыыр бырааптарын быспаттар”, — диэтэ кини.

Ил Дархан этэринэн, Арассыыйа субъектара бары олус судургу быһаарыыны ылыммыттар — федеральнай сокуон боломуочуйаларыгар сөп түбэһиннэрэн олорууну.