Ил Дархан Айсен Николаев ДНӨ Кировскай куоратыгар тиийэн социальнай эбийиэктэри тутуу, өрөмүөннээһин хаамыытын, куорат урусхалламмыт инфраструктуратын сөргүтүү үлэлэрин кэтээн көрдө.
“Саха сирэ Кировскай куорат чөлүгэр түһүүтүгэр көмөтүн тохтотуо суоҕа, көстөрүн курдук, сөргүтүү үлэтэ быыстала суох бара турар. ДНӨ Бырабыыталыстыбатын Бэрэссэдээтэлин Виталий Хоценконы кытта оскуоланы, сынньалаҥ киинин, балыыһаны бүгүн көрдүбүт”, — диэн Айсен Николаев биллэрдэ.
Ону кытта Ил Дархан куорат кыһыны көрсөр туругун кэтээн көрдө, ол курдук ууну хааччыйар систиэмэ үлэтин бэрэбиэркэлээтэ. Кировскай коммунальнай хаһаайыстыбатын сөргүтүүнэн Саха сиринээҕи ОДьКХ ГУП исписэлиистэрэ үлэлииллэр. Айсен Николаев этэринэн, Саха сирин коммунальщиктара уу хааччыйыытын ыытыыга оҥорбут үлэлэрин ньыматын ДНӨ үрдүнэн туһаныахтара.
Донецкайга Айсен Николаев ДНӨ баһылыгын эбээһинэһин толорор Денис Пушилины кытта көрүстэ. Өрөспүүбүлүкэлэр салайааччылара тэҥҥэ үлэ боппуруостарын ырыттылар, ол иһигэр IT эйгэтигэр Саха сирин уопутун үллэстии ырытылынна. ДНӨ чэпчэки бырамыысыланнаһын үлэһиттэрэ Саха сириттэн тиийбит байыаннайдарга сылаас таҥас, байыаннай таҥас тигэллэрин туһунан эмиэ ырытылынна.
Бэнидиэнньиккэ, ахсынньы 8 күнүгэр, Сир магнитосферата бигэ туруга суох. Бу күн магнитнай буурҕа буолар сабаҕалааһына…
Бу нэдиэлэҕэ Сатурн уонна Нептун планеталар утарыта туруулара күүһүрүө. Ол аата, баҕа санаабыт уонна олох…
Саха сирин синоптиктарын сабаҕалааһынынан, бүгүн, ахсынньы 8 күнүгэр, өрөспүүбүлүкэ үгүс өттүгэр хаардыыр. Бу туһунан Саха…
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…