Ил Дархан эҕэрдэтэ

Share

Саха Өрөспүүбүлүкэтин Ил Дархана Айсен Николаев Россия Судаарыстыбаннай былааҕын күнүнэн эҕэрдэлиир

Ытыктабыллаах Саха сирин олохтоохторо!

Саха Өрөспүүбүлүкэтин салалтатын уонна тус бэйэм ааппыттан эһигини Россия Федерациятын Судаарыстыбаннай былааҕын күнүнэн ис сүрэхпиттэн эҕэрдэлиибин!

Судаарыстыбаннай былаах – биһиги улуу дойдубут устуоруйатын, элбэх омуктаах норуотун култууратын, сүҥкэн ситиһиилэрин символларыттан биирдэстэрэ. Биһиги үс өҥнөөх былаахпыт Росcия норуоттарын сомоҕолоһууларын, модун кыахтарын, көҥүлгэ, тутулуга суох буолууга, сайдыыга дьулуһууларын туоһутунан буолар. Бу былааҕы күөрэччи тутан Россия норуота үгүс ахсааннаах албан ааттаах кыайыылары аҕалбыта.

Россия үс өҥнөөх былааҕа номнуо 30 тахса сыл Россия Федерациятын киэҥ нэлэмэн сирин-уотун үрдүнэн тэлээрэр. Устуоруйаҕа киирбит бу былаах РСФСР Үрдүкү Сэбиэтин 1991 сыл атырдьах ыйын 22 күнүнээҕи уурааҕынан Россия Федерациятын Национальнай былааҕынан биллэриллибитэ, уопсай сыаннастарбыт уонна идеалларбыт тула барыбытын түмэн саҥа Россияны кэрэһилээбитэ. Бу бырааһынньык биһиги култуурабыт уонна устуоруйабыт үйэлээх баайын оннунан хаалларар, харыстыыр уонна ытыктыыр хайдахтаах курдук дьоһун суолталааҕын өссө төгүл бигэргэтэр.

Саха сирэ түөрт үйэ кэриҥэ Россия судаарыстыбатын сайдыытыгар дьоһун кылаатын киллэрэн кэллэ. Биһиги өрөспүүбүлүкэбит дойду хотугулуу-илин өттүн туһаҕа таһаарыы уонна сайыннарыы киининэн, экэниэмикэни сайыннарыы бөҕө тирэҕинэн, дойдубут эрэллээх эркининэн буолар.

Бүгүн Саха сирин уолаттара Россия былааҕын күөрэччи тутан Украинаҕа буола турар байыаннай дьайыыга кытталлар. Биһиги үгүс биир дойдулаахпыт Аҕа дойду, эйэлээх олох көмүскэлигэр, кырдьыгы туруулаһааччылар кэккэлэригэр баҕа өттүлэринэн барбыттара. Бүгүн Россия былааҕын аннынан байыаннай дьайыы буола турар сиригэр сылдьар уолаттарбытынан, биһиги геройдарбытыгар, кинилэр дьиэ кэргэннэригэр көмөлөһөр, Кыайыыны уһансар хас биирдии киһинэн ис сүрэхпиттэн киэн туттабын!

Россия Федерациятын Судаарыстыбаннай былааҕа эйэлээх халлааны, дойдубут бигэ туруктаах, чэлгийэ сайдыбыт олоҕун кэрэһилии, Россия саргылаах сарсыҥҥытын туһугар эппитинэспитин мэлдьи саната туруохтун.

Күндү Саха сирин олохтоохторо! Бу бэлиэ күн эһиэхэ эйэлээх олоҕу, чэгиэн доруобуйаны, уҕараабат эрчими, дьолу-соргуну баҕарабын! Эһиэхэ уонна эһиги чугас дьоҥҥутугар ситиһиини уонна этэҥҥэ буолууну!

Саха Өрөспүүбүлүкэтин Ил Дархана         Айсен Николаев

Recent Posts

  • Сонуннар
  • Сүрүн

Оҕо оонньообута иэдээҥҥэ тиэрдиэн сөп…

Тренд, муода барыта батысыһыылаах уонна ардыгар иэдээннээх буолар. Ол курдук, самокаттан саҕаламмыт муода аны питбайк…

19 минут ago
  • Сонуннар
  • Үөрэх

Коронавирус саҥа долгунуттан сылтаан дистанционнай үөрэххэ көһүү туһунан сымыйа  сурах тарҕанна

Социальнай ситимнэринэн уонна сорох СМИ-нэн балаҕан ыйыгар оскуолалар коронавирус саҥа «Стратус» штамма тарҕаныыта үрдээбититтэн дистанционнай…

34 минуты ago
  • Сонуннар
  • Уопсастыба

Бэтэринээр үтүө аата – үйэлэргэ. Петровтар династиялара

Бүгүн, Арассыыйа бэтэринээрин күнүгэр, бэйэлэрин олохторун бэтэринээрийэ салаатыгар анаабыт дьону ахтан-санаан ааһабыт, үлэлии-хамсыы сылдьар исписэлиистэри…

49 минут ago
  • Сонуннар
  • Уопсастыба

Айсен Николаев Нерюнгри олохтоохторун Шахтер күнүнэн эҕэрдэлээтэ

Шахтер күнүн Нерюнгригэ бэлиэтиир күҥҥэ СӨ Ил Дархана Айсен Николаев өрөспүүбүлүкэҕэ чоҕу хостуур бырамыысыланнаһын бэтэрээннэрин…

1 час ago
  • Сонуннар
  • Сүрүн

Айсен Николаев Шахтер күнүнэн эҕэрдэтэ

СӨ салалтатын уонна тус бэйэм ааппыттан эһигини Шахтер күнүнэн ис сүрэхпиттэн эҕэрдэлиибин! Бу күн биһиги…

1 час ago
  • Сонуннар
  • Сүрүн

Куорат уонна тыа олохтоохторугар биэнсийэ кээмэйэ төһө буолбутуй?

РФ Социальнай пуондатын 2025 сыллааҕы дааннайдарынан, куоракка олорор дойду олохтоохторун орто биэнсийэлэрин кээмэйэ тыа сирин…

2 часа ago