Хаартыска СӨ Бырабыыталыстыбатын пресс-сулууспатыттан
Ил Дархан Айсен Николаев бүгүн, муус устар 26 күнүгэр, «Саха Өрөспүүбүлүкэтигэр элбэх оҕолоох ыаллары социальнай өйөөһүн эбии дьаһалларын туһунан» Ыйаахха илии баттаата. Бу ыйаах элбэх оҕолоох ыаллар олохторун уйгутун үрдэтиигэ, элбэх оҕолоох ыаллар институттарын бөҕөргөтүүгэ уонна харыстааһыҥҥа туһуланар диэн СӨ Бырабыыталыстыбатын пресс-сулууспата иһитиннэрэр.
Ыйаахха сөп түбэһиннэрэн, өрөспүүбүлүкэ элбэх оҕолоох ыалыгар олорор дьиэ-уот, хомунаалынай өҥө олохтоммут төлөбүрүн кээмэйиттэн 30 бырыһыантан намыһах суумалаах чэпчэтии оҥоһуллар.
Элбэх оҕолоох ыаллар оскуолаҕа үөрэнэр оҕолоро босхо аһынан хааччыллыахтара, ону таһынан куорат иһигэр уонна куорат таһынааҕы оптуобустарга, дьиэ кэргэн дохуотуттан туулуга суох, босхо айанныахтара. Үөһэ ыйыллыбыт элбэх оҕолоох ыаллары өйөөһүн эбии дьаһаллара 2024 сыл балаҕан ыйын 1 күнүттэн олоххо киириэхтэрэ.
СӨ Бырабыыталыстыбатыгар 2024 сыл от ыйын 1 күнүгэр диэри сөптөөх нуормалыр-быраап аахталарын ылынарга уонна бу ыйаах олоххо киириитин кытта сибээстээх үбүлээһин ороскуотун быһаарарга сорудахтаата.
Дойду Бэрэсидьиэнэ Владимир Путин элбэх оҕолоох ыал дойдуга саҥа нуорманан, уопсастыбаҕа сыаналаныахтаах уонна холобурунан буолуохтаах диэн соругу туруорбута. Үс, түөрт уонна онтон элбэх оҕолоох ыал бэйэтэ үрдүк ыстаатыстаах, онон судаарыстыба өттүттэн өйөнүллүөхтээх.
Саха сиригэр былыр-былыргыттан элбэх оҕолоох буолуу үгэһэ баар. Бүгүн Уһук Илин элбэх оҕолоох ыалын 1/5 Саха сиригэр олорор. Ити 34 тыһыынчаттан тахса элбэх оҕолоох ыал буолар, онно 118 тыһыынчаттан тахса оҕо баар.
Саха сиригэр Дьиэ кэргэн сылыгар улахан болҕомто ууруллар уонна элбэх оҕолоох ыалларга, эдэр ыалларга барыларыгар көмө оҥоһуллар. Билигин өрөспүүбүлүкэҕэ ийэ хапытаалын, оҕо төрөөһүнүгэр, элбэх оҕолоох ыаллар олорор усулуобуйаларын тупсарыыга, босхо сири биэриигэ бырагыраамалар толору олоххо киирэллэр.
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…