Ил Дархан энергетика боппуруостарыгар сүбэ мунньахха кыттыыны ылла

Ил Дархан Айсен Николаев Арассыыйа Наукаларын академиятын уонна Арассыыйа Бэрэсидьиэнин хонтуруоллуур управлениетын бииргэ ыыппыт энергетика боппуруостарыгар сүбэ мунньахха кыттыыны ылла.

«Чуолаан, оттук-энергетическэй балансаларын (ТЭБ) суолталарын уонна кинилэри оҥорон таһаарыы кыһалҕаларын туһунан кэпсэтии барда. Ый анараа өттүгэр биһиги РФ Госсэбиэтин хамыыһыйатыгар федеральнай былаас, дойду эрэгийиэннэрэ, наука уонна уматык-энергетическэй комплекс бөдөҥ хампаанньалара кыттыылаах «Энергетика» хайысханан бу боппуруоһу олус сиһилии көрдүбүт. Онно сүрүн этиилэри мунньахха этэн турабын: бары таһымҥа ТЭБИ кытта үлэлиир биир сыыппара тиһигин тэрийии, оҥоруу уонна ааҕыы методикатын олохтооһун, эрэгийиэннэргэ исписэлиистэри бэлэмнээһин», — диэн Айсен Николаев ТГ-ханаалыгар иһитиннэрдэ.

Эрэгийиэн баһылыга миэстэтиттэн наука кыттыыта уонна дьиҥнээх иһитиннэриитэ суох бу үлэ кыаллыбат диэн сүбэ мунньахха бэлиэтээтэ. «Биһиги сүрүн сорукпут-энергетиканы эрэллээх эрэ буолбакка, билиҥҥи туругунан аныгылыы оҥоруохха наада», — диэн Ил Дархан бэлиэтээтэ.