Ил Дархан Өрөспүүбүлүкэ бастакы бэрэсидьиэнин кытта көрүстэ

Москубаҕа Саха Өрөспүүбүлүкэтин бастайааннай бэрэстэбиитэлистибэтигэр Ил Дархан Айсен Николаев Саха сирин бастакы бэрэсидьиэнин Михаил Николаевы кытта көрүстэ. Өрөспүүбүлүкэ урукку салайааччытын кытта Ил Дархан эрэгийиэн социальнай эйгэтэ, экэниэмикэтэ сайдар хайысхаларын туһунан кэпсэттэ.

Айсен Николаев Михаил Ефимовичка билигин ордук улахан болҕомто ирдиир хайысхалар хайдах быһыылаахтык быһаарылла туралларын кэпсээтэ, Саха сирин инники сайдыытын стратегиятын көрдөрдө.

Өрөспүүбүлүкэ бастакы бэрэсидьиэнэ Саха сирин дьаһалтатын бастакы уочараттаах сорудаҕынан дьон-сэргэ олоҕун тупсарыыта буоларын бэлиэтээн эттэ. Михаил Николаев Ил Дархан билиҥҥи үлэтин биһириирин туһунан эттэ уонна өйүүрүн туһунан биллэрдэ.