Бүгүн, ахсынньы 12 күнүгэр, Ил Дархан Айсен Николаев «Россия 24» ханаалга таҕыста, ыйытыыларга хоруйдаата. Кэпсэтиигэ болҕомто тутуу боппуруоһугар эмиэ уурулунна.
Ил Дархан РФ Бэрэсидьиэнин уонна Бырабыыталыстыбатын өттүттэн болҕомто ууруллар буолан, балачча суолталаах өйөбүл оҥоһулларын бэлиэтээтэ. Өрөспүүбүлүкэҕэ ураты эбийиэктэр тутуллалларын тоһоҕолоото. Маныаха быйыл аныгы үйэ ирдэбилигэр эппиэттиир кардиологическай диспансер тутуллан үлэҕэ киирбитин эттэ.
«Саҥа тутууну, технологическай хааччыллыытын РФ Доруобуйаҕа харыстабылын миниистирэ Михаил Мурашко үрдүктүк сыаналаабыта. Каадырдарынан хааччыллыыны эмиэ бэлиэтээбитэ. Маны таһынан, эһиил улахан онкологическай киин тутуллан үлэҕэ киириэхтээх. Бу «Демография», «Доруобуйа харыстабыла» национальнай бырайыактарынан үлэ күүһүрэригэр тирэх буолар», — диэтэ Ил Дархан.
Маны сэргэ, кини тутуу үлэтэ өрөспүүбүлүкэҕэ тиһиктээхтик салҕанарын эттэ. Сыл ахсын уоннууга тиийэ кыһа тутулларын, үөрэх эйгэтигэр улахан болҕомто уурулларын бэлиэтээтэ. Итиэннэ үүнэр сылга өссө рекорд олохтонуо, 15-16 оскуола тутуллан үлэҕэ киирэрэ былааннанар диэтэ. Итинник этэн туран, кини өрөспүүбүлүкэ киин куората Дьокуускай сыллата кэҥээн, олохсуйааччыта элбээн иһэринэн, оскуолаҕа оҕолорго миэстэ тиийбэт кыһалҕата баарын ыйда. Кини манна саҥа бырайыак тирэх буолуоҕар эрэнэрин биллэрдэ. Дьокуускайга «Точка будущего» диэн үөрэх улахан эбийиэгин тутуу саҕаламмытын эттэ. Бу тутууга «Новый дом» диэн аһымал пуондата тирэх буолар. Былааннаммытынан манна араас былаһааккалардаах. Оскуола, спорткомплекс, преподавателлэр олорор сирдэрэ, о.д.а.
Ити курдук өрөспүүбүлүкэҕэ кэскиллээх тутуулар былааннаахтык ыытыллаллар.
Хаартыска: интэриниэттэн
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…
Кини сыл барыллаан түмүктэрин таһааран, инники былааннарын кытта билиһиннэриэҕэ. СӨ Бырабыыталыстыбатын иһинэн ЗАГС управлениетын салайааччыта…