Айсен Николаев: «Эстрада тыйаатырыгар иирсээҥҥэ кыттыспаппын»

Бэс ыйын 7 күнүгэр Ил Дархан суруналыыстары кытары көрсөн, ыйытыыларга хоруйдаата. Эстрада тыйаатырыгар тахсыбыт иирсээн, онтон сибээстээн Ил Дархаҥҥа сурук туһунан ыйытыыга Айсен Николаев маннык хоруйдаата:

— Эстрада тыйаатыра – өрөспүүбүлүкэтээҕи бүддьүөт тэрилтэтэ. Онон култуура министиэристибэтэ бу боппуруоһу иҥэн-тоҥон быһаарсан баран, түмүк быһаарыыны таһаарыахтаах.

Мин бу иирсээҥҥэ билиҥҥитэ кыттыспаппын, икки өрүттэрин убаастыыбын. Ил Дархан таһымыгар быһаарсыы ирдэнэр буоллаҕына, боппуруоһу көрүөхпүт. Хас биирдии киһи, тэрилтэ бэйэтин дьыалатынан дьарыктаныахтаах дии саныыбын.