Ил Дархан федеральнай бүддьүөттэн 28 млрд солк. ылары ситистэ

Бүддьүөт бырасыаһа федеральнай таһымтан эрэгийиэн таһымыгар көһөр. Манна дохуоттары уонна ороскуоттары сөпкө түбэһиннэрии эмиэ  уустук, диэн бэлитиичэскэй консультант Павел Склянчук «Госдума экспера» ТГ-ханаалыгар иһитиннэрэр.

Холобур, Саха сирин Бырабыыталыстыбата кэлэр сыллааҕы бүддьүөккэ АЛРОСА алмаас хостуур бөдөҥ хампаанньатын дивиденнэрин киллэрбэт. Хампаанньа үбүн-харчытын көрдөрүүлэригэр 12 саҥсыйа бакыаттара да, бүтүннүүтэ аан дойдутааҕы алмаас ырыынагын бигэтэ суох балаһыанньата да дьайда. Ол иһин, европеецтэр Арассыыйа хампаанньаларын утары сааҥсыйалары киллэрэллэригэр дойду эрэгийиэннэрин бүддьүөттэригэр эмиэ охсууну оҥороллор.Ил Дархан Айсен Николаев федеральнай бүддьүөттэн 28 млрд солкуобайы тардар кыаҕы булла. Түмүк көрдөрүүлэр манныктар — 2026 сылга дохуот чааһа – 337 млрд 36 мөл. солкуобай, ороскуота – 349 млрд 778 мөл. солкуобай. Саха сирин бүддьүөтүн сүрүн ороскуоттара, атын эрэгийиэннэрин курдук, олохтоохтор иннилэригэр баар социальнай эбэһээтилистибэлэри толорууга туһуланар. Ол гынан баран, дойду саамай улахан иэннээх эрэгийиэнэ олох-дьаһах хомунаалынай хаһаайыстыбатын систиэмэтин өйүүргэ улахан ороскуоту оҥорорго күһэллэр, тоҕо диэтэххэ Уһук Хоту тыйыс тымныытыгар үлэтэ улахан ороскуоту эрэйэр. Олохтоохтор дьиэлэригэр, балыыһаларга уонна оскуолаларга сылааһы уонна уоту быыстала суох тиэрдии – сыанатынан биллибэт. Ол да буоллар, бүддьүөт дэписсииттээх кэмигэр бүддьүөт үбэ-харчыта көдьүүстээхтик туттулларын ордук кытаанахтык хонтуруоллуур наада.