Ил Дархан Федот Тумусовы кытта көрүстэ

Айсен Николаев Госдуума дьокутаата Федот Тумусовы кытта көрүстэ. Саха сирин баһылыга РФ Госдуума дьокутаатын кытта Ил Дархан  доруобуйа харыстабылын уонна Бэрэсидьиэн национальнай бырайыактарын олоххо киллэрии боппуруостарын дьүүллэстилэр. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.

Чуолаан, доруобуйа харыстабылын эбийиэктэрин үлэҕэ киллэриигэ былааннарын туһунан кэпсэтии барда. «Доруобуйа харыстабыла» национальнай бырайыак чэрчитинэн Саха сиригэр 2025 сылга 8 эбийиэк тутуллара былааннанар: Амма улууһун Амма сэлиэнньэтигэр поликлиникалар, Бүлүү оройуонун Бүлүү куоратыгар уонна Ньурба улууһун Ньурба куоратыгар, Нам улууһун Нам сэлиэнньэтигэр уонна Үөһээ Бүлүү Үөдүгэй нэһилиэгэр эмтиир куорпустар, Мэҥэ Хаҥалас улууһун Майа сэлиэнньэтигэр балыыһа комплекса, Кэбээйи улууһун Сангаар бөһүөлэгэр поликлиника, Аллараа Бэстээххэ учаастактааҕы балыыһалар. Ону сэргэ «Продолжительная и активная жизнь», «Новые технологии сбережения здоровья» уонна «Семья» диэн саҥа национальнай бырайыактар чэрчитинэн үлэ тутаах хайысхаларын туһунан кэпсэттилэр. Ону таһынан Айсен Николаев уонна Федот Тумусов Бырабыыталыстыбаны уонна Госдууманы кытта бииргэ үлэлээһин боппуруостарын дьүүллэстилэр.