Хаартыска: Андрей Сорокин, СИА.
Ил Дархан Айсен Николаев федеральнай таһымҥа быһаарыллара ирдэнэр суолталаах боппуруостарынан Судаарыстыбаннай Дуума дьокутаата Галина Данчиковаҕа соруктары туруорда.
Өрөспүүбүлүкэҕэ хотугу таһаҕаһы таһыы туһунан федеральнай сокуону ылыныы, ол түргэнник үлэлиирэ уонна Саха сирин уратытын, тырааныспар тоҕоостоох буолуутугар өрөспүүбүлүкэ бары этиилэрэ учуоттаналлара суолталаах.
Маны таһынан, кулгаахтарынан истибэт оҕолору кохлеарнай имплант матырыйаалынан хааччыйарга федеральнай сокуоҥҥа уонна аакталарга уларытыылары киллэрии туһунан кэпсэттилэр. Бу кыһалҕа хааччахтааһынынан сибээстээн сыллата уустугуран иһэр уонна быһаарыыны эрэйэр.
Айсен Николаев уонна Галина Данчикова көмүһү сууйааччылар үлэлэрин туһунан сокуон итэҕэс өрүттэрин уонна сэлии муоһун хостооһун боппуруоһугар бэрээдэктээһини ырыттылар.
Судаарыстыбаннай Дуума дьокутаата өрөспүүбүлүкэ баһылыгар Хаҥалас улууһугар сырыытын түмүгүн иһитиннэрдэ. Үөрэх систиэмэтин саҥардыы федеральнай бырагырааматынан Улахан Аан сэлиэнньэтин Малдьаҕар агро-оскуолатыгар ыытыллар хапытаалынай өрөмүөн хаамыытын бэрэбиэркэлээтэ. Бу эбийиэккэ үлэ кыраапык быһыытынан баран иһэр итиэннэ ыйыллыбыт болдьоҕор бүтэрэллэригэр эрэл баар.
“Бөртө Өс” тыа хаһаайыстыбатын тэрилтэтигэр, улууска да, Дьокуускайга даҕаны суолталаах эт уонна үүт бородууксуйатын оҥорон таһаарар аныгы сыах тэрилин туруоруу туһунан кэпсэтии барда.
Мохсоҕоллоох бөһүөлэгэр кырдьаҕастар уонна инбэлииттэр интэринээт-дьиэлэрин материальнай баазатын бөҕөргөтүү боппуруостары көтөхпүттэр.
Ону тэҥэ, дьокутаат Ил Дархан сорудаҕынан Жатайдааҕы тутулла турар судоверфка сылдьыбытын, тутуу үлэтин туолуута хаалан иһэрин иһитиннэрдэ. Кыраапыкка киирэр туһугар бэдэрээтчит оробуочай идэлээх исписэлиистэри сыһыарара ирдэнэр.
Ил Дархан уонна Бырабыыталыстыба пресс-сулууспата.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…