Хаартыска: Денис Попов, СИА.
Бэрэсидьиэн гранын пуондатын үбүлээһинин учуоттаан туран, грант уопсай суумата 117 мөл. солк. тэҥнэһэр.
Кулун тутар 20 күнүттэн гражданскай уопсастыбаны сайыннарыыга Ил Дархан граныгар куонкуруска сайаапкалары ылыы саҕаланар. Докумуоннары муус устар 18 күнүгэр диэри тутуохтара. Бу туһунан пресс-кэмпириэнсийэ кэмигэр СӨ Ыччат дьыалаларыгар уонна социальнай коммуникацияларга миниистири солбуйааччы Андрей Сосновскай иһитиннэрдэ.
“Грант куонкуруһугар судаарыстыбаннай уонна муниципальнай уоргантан тэриллибэт өрөспүүбүлүкэҕэ баар кэмиэрчэскэйэ суох ханнык баҕарар тэрилтэтэ кыттар кыахтаах”, — диэн Андрей Сосновскай бэлиэтээтэ.
Быйыл грант уопсай суумата бэрэсидьиэн граннарын пуондатын үбүлээһинин учуоттаан туран, 16 хайысханан 117 мөл. солк. тэҥнэһэр. Саха сирин судаарыстыбаннай бүддьүөтүттэн 69 мөл. солк. көрүллүбүт. Ааспыт сылы кытта тэҥнээтэххэ, үп 20 мөл. солк. эбиллибит.
“Грант саҥа көрүҥнэрэ баар буоллулар, холобур, мобилизованнайдар дьиэ кэргэттэрин кытта сибээстээх. Ону тэҥэ, элбэх хайысхаҕа муҥурданар суумата (лимит) үрдээтэ, чуолаан төрөөбүт тылларга, волонтердар үлэлэригэр уонна патриотическай иитиигэ”, — диэн миниистири солбуйааччы кэпсиир.
Сайаапканы ылыыны кулун тутар 20 күнүгэр сарсыарда 9:00 чааска One Click Yakutia цифровой аналитическай платформаҕа арыйыахтара, онно ыйыллыбыт сигэнэн киирэн биэриэххэ сөп.
Куонкурус тэрийээччилэрэ тиэхиньиичэскэй алҕаһы ситэрэргэ бириэмэ хааларын туһугар, докумуону ыытыыны уһаппакка-кэҥэппэккэ ыыталларыгар сүбэлииллэр. Андрей Сосновскай этэринэн, үксүгэр сайаапка болҕомтото суохтук толороруллубут түгэнигэр бырайыактары ылымматтар эбит. Ону таһынан, бааллара тэҥнэһэр түгэннэригэр, сайаапканы эрдэ ыыппыт кэмиэрчэскэйэ суох тэрилтэ кыайыылааҕынан тахсар.
Светлана ИВАНОВА, СИА.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…