СИА
Ил Дархан Кытай Норуодунай Өрөспүүбүлүкэтин Хабаровскайга Генеральнай консулун Цзян Сяояны кытта көрүстэ. Өрүттэр бииргэ үлэлээһин тула кэпсэттилэр.
Айсен Николаев Кытай Норуодунай Өрөспүүбүлүкэтин Саха сирин экэниэмикэҕэ тас партнерун быһыытынан стратегическай суолтатын бэлиэтээтэ.
“Быйыл Саха сирэ уонна Хэйлунцзян провинцияны кытта илии баттаһыы 20 сыла буолла. Биһиги сүрүн хайысхаларынан Кытайы кытта сибээһи сайыннарыыга болҕомтобутун уурабыт. Саха сирин уонна Кытай икки ардыларынаҕы тас эргиэн эргиирин кээмэйэ 2019 сылтан биэс төгүл үрдээтэ. Биһиги салгыы сибээспитин бөҕөргөтүөхпүт”, — диэтэ Айсен Николаев. Цзян Сяоян Саха сирэ Арассыыйа-Кытай сыһыаннаһыыларыгар улахан оруолун бэлиэтээтэ.
«Бэрэссэдээтэл Си Цзиньпин уонна Бэрэсидьиэн Владимира Путин стратегическай салалталарынан Кытай-Арассыыйа сыһыаннаһыыта хаһааҥҥытааҕар да тубуста. Арассыыйа Уһук Илин эрэгийиэннэрэ Кытай провинцияларын кытта ыкса сибээһи олохтууллар. Бу үлэҕэ Саха сирэ оруола олус улахан. 20 сыллааҕыта өрөспүүбүлүкэ Хэйлунцзян провинциятын кытта бигэ сибээһи олохтообута, оттон бүгүн Цзянси провинцияны киллэрэн туран, атыттары кытта үлэлэһэр. Саха сирэ уонна Кытай провинциялара эргиэни уонна экэниэмикэни сэргэ гуманитарнай эйгэҕэ, култуураҕа, искусствоҕа, үөрэххэ, успуорка сибээстэрин сайыннараллар», – диэтэ Цзян Сяоян.
Көрсүһүүгэ Саха сирин уонна Кытай провинцияларын икки ардыларыгар табаар эргиирин сайдыытын дьүүллэстилэр. Ону тэҥэ Джалинда – Мохэ кыраныыссаны туорааһын бырайыагын олоххо киллэриини. Өрөспүүбүлүкэ Амур уобалаһын уонна Хэйлунцзян провинциялыын бу бырайыакка үлэлэһэллэр. “Амур нөҥүө мууһунан уонна паромунан туорааһыны туһаныы 3-5 мөл туонна таһаҕаһы тиэйиини хааччыйарыгар эрэнэбит, Хэйлунцзян провинциятын наадыйыытыгар туох-ханнык иннинэ таас чоҕу тиэйиини. Чуумпу акыйааннааҕы тимир суолу киллэрии Саха сириттэн Кытайга таас чоҕу тиэйиигэ саҥа кыахтары арыйар”, — диэтэ өрөспүүбүлүкэ баһылыга.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
«Сахафильм» хампаанньаҕа саҥа салаа – продюсерскай отдел аһыллыаҕа. Национальнай киинэ хампаанньатын салайааччыта Алексей Егоров Саха…
Эдьигээҥҥэ олимпийскай чөмпүйүөн Роман Дмитриев кэриэһигэр үөрэнээччилэр ортолоругар мас тардыһыыга күрэх түмүктэннэ. Күрэхтэһиигэ 60-тан тахса…
Айсен Николаев уонна Степан Саргыдаев оробуочай мунньахтарыгар Чурапчы улууһун социальнай-экэнэмиичэскэй сайдыытын боппуруостарын дьүүллэстилэр. Степан Саргыдаев…
Бу сыл олунньу 2 күнүттэн ИТ-исписэлиистэр «Госуслуги» портаалга 2026 сылга аармыйаттан босхолонууга сайабылыанньа биэриэхтэрин сөп.…
Олунньу 3 күнүгэр биир дойдулаахпыт, СӨ үтүөлээх артыыската, дьоҥҥо-сэргэҕэ тыйаатыр уонна киинэ артыыһын быһыытынан киэҥник…
Олунньу 3 күнүгэр сарсыарда эрдэ ЫБММ сүрүн управлениетыгар Мииринэй куоракка Ойуунускай уулуссаҕа турар аралдьытар киин…