Хаартыска Ил Дархан пресс-сулууспатыттан
Бэс ыйын 6 күнүгэр Ил Дархан Айсен Николаев Хаҥалас улууһугар сылдьан аграрниктары кытары көрүстэ. Ил Дархан кинилэри үгүстэрин билэрин эттэ – кинилэр туруу үлэһит дьон, бэйэлэрин дойдуларын патриоттара.
Көрсүһүүгэ граннартан, өйүүр дьаһаллартан саҕалаан оҥорон таһаарыыны батарыы курдук, тыа хаһаайыстыбатын сайдыытын сүрүн боппуруостарын дьүүллэстилэр.
«Хачыкаат» СХПК салайааччыта Роман Куприянов кэпсээбитинэн, кини хаһаайыстыбата федеральнай уонна өрөспүүбүлүкэтээҕи өйөбүлүнэн сайдар, кэҥиир. Ол курдук, кини быйыл бааһынаҕа үлэлиир улахан кыамталаах тыраахтыры ылбыт. Онон комплекс үлэһиттэрэ үөрүүлэрэ үгүс.
Ил Дархан Айсен Николаев Роман Куприяновы кытары саҥа тыраахтырга олорон, бааһынаҕа үлэлээн көрдүлэр. Кырдьык, тиэхиньикэ кыахтааҕын көрдөрдө, бүүс-бүтүннүү автоматизированнай, тэҥинэн хас даҕаны үлэни толорор, өссө кондиционердаах, цифровой дисплейдээх, инньэ гынан үлэлииргэ усулуобуйа барыта оҥоһуллубут.
«Кооператив ыччаты тыа хаһаайыстыбатын үлэтигэр сыһыарара хайҕаллаах суол. Хас сыл аайы Дьокуускайдааҕы тыа хаһаайыстыбатын техникумун устудьуоннара көмөлөһө кэлэллэр эбит. Ыччат уопут ыларыгар бу олус үчүгэй. Эрэнэбин, үүнэн иһэр көлүөнэ дьоһуннаах солбук буолуоҕа», — диэн Айсен Николаев санаатын үллэһиннэ.
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…