Ил Дархан Харыйата ахсынньы 19-20 күннэригэр буолуоҕа

Бүгүн үөрэх уонна билим миниистирэ Нюргуна Соколова Ил Дархан Харыйатын ыытыы боппуруостарынан тэрийэр хамыыһыйа мунньаҕын ыытта.

Быйыл Ил Дархан Харыйата ахсынньы 19 уонна 20 күннэригэр буолуоҕа. Тэрээһиҥҥэ сыллата өрөспүүбүлүкэ улуустарыттан, куорат уокуруктарыттан, ону тэҥэ, талааннаах оҕолору көрдүүр тэрээһиннэр кыайыылаахтара – 9-11 кылааска үөрэнэр 700 оҕо ыҥырыллар. Кинилэр кэккэлэригэр үөрэх туйгуннара, олимпиада, норуоттар икки ардыларынааҕы күөн күрэстэр, билим-быраактыка кэмпириэнсийэлэрин кыайыылаахтара, аан дойду, Европа, Арассыыйа чөмпүйүөннэрэ о.д.а. бааллар.  Кыттааччыларга “СӨ үөрэҕи сайыннарыы” судаарыстыбаннай бырагыраама иитинэн барыларыгар 25000 солк. кээмэйдээх биир кэмнээх истипиэндьийэ ананар.

Бүгүн мунньах кыттыылаахтара оҕолору түһэрии, тырааныспар логистикатын, тэрээһин боппуруостарын кэпсэттилэр. Ураты болҕомтону куттал суох буолуутун уонна оҕолору таһыы боппуруостарыгар уурдулар.

Үөрэх уонна билим миниистирэ Нюргуна Соколова салайааччылаах тэрийэр бөлөх кыттааччыларга сэргэх култуурунай бырагырааманы оҥорбут. Быйылгы Харыйа “В сердце Якутии – в сердце России” диэн этиинэн барар итиэннэ СӨ Ийэ дойдуну көмүскээччилэр сылларыгар ананар. Бу туһунан Үөрэх уонна билим министиэристибэтин пресс-сулууспата суруйар. Салгыы манна ааҕыҥ.