Хаартыска: Андрей Сорокин.
Саҥа дьыл буолара ахсааннаах күн хаалла. Ол аата киэҥ нэлэмэн Сахабыт сирин араас муннуктарыттан күүтүүлээх-кэтэһиилээх, сылга биирдэ тосхойор Ил Дархан Харыйатыгар кэлээри оҕолор күннэрин-дьылларын ааҕан эрдэхтэрэ. Ил Дархан Айсен Николаев быйылга Саҥа дьыллааҕы Харыйата ахсынньы 21 күнүгэр буолуоҕа.
Үөрэх уонна билим министиэристибэтигэр иһитиннэрбиттэринэн, бу сыллааҕы Харыйа култуураҕа тэрээһинэ ыччаты патриотическай тыыҥҥа иитиигэ, Оҕо саас сылыгар ананар. Үүнэр көлүөнэни патриотическай тыыҥҥа иитэр, Саха сирин олохсуйбут култууратын, устуоруйатын хараанныыр идиэйэлээх барыаҕа. Өрөспүүбүлүкэҕэ Оҕо саас, Арассыыйаҕа Дьиэ кэргэн сыллара өбүгэлэрбит үктэллэрин салҕаан, ыччаты сайдыыга, иитиигэ кынаттыыр бэлиэ буолан, устуоруйа саҥа кэрдииһин арыйарга сирдииллэр. Бу икки хайысха бэйэ-бэйэлэрин ситэрэн-хоторон, күүс уонна үөрүү бииргэ дьүөрэлэһэн, саха ураты уопсастыбатын олохсуталлар, өрөспүүбүлүкэ инники сайдыытыгар салайаллар диэн этэллэр.
Быйылгы тэрээһин икки блоктан турар. Ахсынньы 20 күнүгэр “Төрөөбүт дойду күүһэ” блок иитинэн Саҥа дьыллааҕы харыйаны, харыйа оонньуурун оҥорууга маастар-кылаас буолуоҕа, буулдьанан ытыахтара (электроннай), пилота суох көтөр аппарааттары көтүтэн көрдөрүөхтэрэ, дроннар моделларын билиһиннэриэхтэрэ, “ВОИН” кииҥҥэ байыаннай сэп-сэбиргэл уонна дроннар быыстапкаларын көрүөхтэрэ, “СИНЕРГИЯ” университет графическай дизайнҥа уонна анимацияҕа маастар-кылаас биэриэҕэ.
“Саха сирин оҕолоро” блок чэрчитинэн “Масигра” остуол, өй оонньуутугар кыттыахтара, “Бастакылар хамсааһыннара”, “Навигаторы детства” оонньуу-быраактыкалара буолуоҕа, IT – Куб виртуальнай реальность, Арассыыйа бастыҥ блогера Айыына Кожурова кыттыылаах оҕолор саҥаларын устан кэлэр кэм капсулатын — «Кындыкан» илдьитин ыытыахтара, MOST хампаанньа анал бирииһи оонньотуоҕа, “Кэскил” оҕо кыһата бириистээх остуол оонньууларын тэрийэҕэ.
Дьэ уонна күүтүүлээх-кэтэһиилээх Ил Дархан Харыйата ахсынньы 21 күнүгэр Саха цииркэтигэр буолуоҕа.
Санатан эттэххэ, тустаах тэрээһин үтүө үгэскэ кубулуйбута быданнаата. Сыллата өрөспүүбүлүкэ араас улуустарыттан үөрэххэ, успуорка, култуура тэрээһиннэригэр ситиһиилээх, араас олимпиадаларга, кэмпириэнсийэлэргэ, куонкурустарга кыайыылаах үрдүкү кылаас үөрэнээччилэрэ кытталлар.
Синоптиктар билгэлииллэринэн, бүгүн, олунньу 15 күнүгэр, Саха сиригэр кыралаан хаар түһэрэ күүтүллэр, өрөспүүбүлүкэ арҕаа өттүгэр…
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…