Салгыы
Ил Дархан Хэйлунцзян провинциятын губернаторын кытары көрүстэ

Ил Дархан Хэйлунцзян провинциятын губернаторын кытары көрүстэ

18.05.2024, 18:07
Хаартыска: Ил Дархан пресс-сулууспата
Бөлөххө киир:

Саха сирин Ил Дархана Айсен Николаев Хэйлунцзян провинциятын губернатора, хотун Лян Хуэйлин кытары оробуочай көрсүһүүтүгэр доҕордуу сыһыаны салгыы сайыннарыы боппуруостарын дьүүллэстилэр.

Көрсүһүү ыам ыйын 18 күнүгэр, Харбиҥҥа VIII Арассыыйа-Кытай ЭКСПО чэрчитинэн буолла.
«Саха Өрөспүүбүлүкэтэ уонна Хэйлунцзян провинция – уруккуттан бииргэ үлэлэһэллэр уонна доҕордуулар. Биһиги эрэгийиэннэрбит икки ардыларыгар эргиэн-экэниэмикэ уонна гуманитарнай салааҕа атастаһыы уонна бииргэ үлэлээһин барар, доҕордуу сибээс ситиһиилээхтик сайдар. Былырыыҥҥы көрсүһүү кэнниттэн бары хайысхаҕа барытыгар кэриэтэ салгыы үлэлиибит. Былырыын Пекиҥҥэ «Один пояс – один путь» аан дойдутааҕы пуорумҥа эрэгийиэннэр икки ардыларыгар доҕордуу сыһыаны олохтуур туһунан сөбүлэһии кэнниттэн биһиги сыһыаммыт саҥа таһымҥа таҕыста. Билигин Саха сирин 18 муниципалитета Хэйлунцзян 20 куоратын уонна уеһын кытта доҕордуу. Сыл устата кэккэ холбоһуктаах тэрээһин ыытылынна, дэлэгээссийэлэр,  үөрэнээччилэр уонна устудьуоннар икки ардыларыгар атастаһыы  барар, култуура уонна үөрэх эйгэтигэр бииргэ үлэлээһин кэҥиир. Биһиги икки эрэгийиэммит хардарыта интэриэстээх буолан, араас бырайыактары, ол иһигэр «Джалинда-Мохэ» аан дойдутааҕы тырааныспар муостатын олоххо киллэриигэ үлэлиибит», – диэтэ Айсен Николаев.
Арассыыйа уонна Кытай Култууратын сылларынан быйыл уонна эһиил өрүттэр култуураҕа бииргэ үлэлээһини сайыннарыыга хайысхаланар кэккэ тэрээһиннэри ыытар былааннаахтар. Ил Дархан иһитиннэрбитинэн, 2024 сыл күһүн СӨ Үүнэр көлүөнэҕэ  тыйаатыра Харбиҥҥа уонна Хэйхэҕэ гостуруоллуура былааннанар. Ил Дархан Хэйлунцзян провинциятын кэлэктииптэрин култуура бырагыраамалаах Саха сиригэр кэлэллэригэр ыҥырда. Дьокуускайга «Азия оҕолоро» успуорт аан дойдутааҕы VIII сайыҥҥы оонньууларын ыытыы туспа боппуруоһунан турда. Кытай спортсменнара, үгэс курдук, бу күрэхтэһиилэргэ көхтөөхтүк кытталлар.
«2024 сыл – биһиги дойдуларбыт икки ардыларыгар сайдыы барарыгар олус суолталаах сыл. Ыам ыйын 16 күнүгэр КНР бэрэссэдээтэлэ Си Цзиньпин уонна Арассыыйа бэрэсидьиэнэ Владимир Путин кэпсэтии ыыппыттара, холбоһуктаах декларацияҕа илии баттаабыттара, ол биһиги дойдуларбыт икки ардыларыгар икки өрүттээх сыһыаны сайыннарыыны күүскэ көҕүлээбитэ. Бэҕэһээ Си Цзиньпин VIII Арассыыйа-Кытай ЭКСПО аһыллыытынан эҕэрдэтин ыытта, Владимир Путин аһыллыы сиэригэр-туомугар кытынна, бу Арассыыйа-Кытай эрэгийиэннэрин икки ардыларыгар бииргэ үлэлээһини сайыннарарга улахан болҕомто баарын туоһулуур» –диэтэ хотун Лян Хуэйлин. Түгэнинэн туһанан, кини Айсен Николаевка икки эрэгийиэн хардарыта бииргэ үлэлээһиннэрин сайыннарыыга улахан болҕомтотун уонна күүһү түмүүтүн иһин ытыктабылын биллэрдэ.
«Былырыын муус устарга бырабыыталыстыба бэрэссэдээтэлин сырыытын кэмигэр Джалинда-Мохэ муостаны тутуу соруктарын сиһилии дьүүллэспиппит, биһиги дэлэгээссийэбититтэн сорохтор бу тэрээһиҥҥэ кыттыбыттара. Биһиги бу боппуруоһу дойдуларбыт министиэристибэлэрин таһымыгар таһаарары ситиспиппит», – диэн хотун Лян Хуэйлин тоһоҕолоон бэлиэтээтэ.
Ону сэргэ инники былааннарга  туризм, култуура, үөрэхтээһин, физкултура уонна успуорт эйгэлэригэр култуура уонна гуманитарнай атастаһыыны күүһүрдүү турар.

VIII Арассыыйа-Кытай ЭКСПО ыам ыйын 17-21 күннэригэр конгресс-быыстапка киинигэр ыытыллар. Айсен Николаев РФ бэрэсидьиэнэ Владимир Путин салайбыт дэлэгээссийэтин састаабыгар киирсэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 июня
  • 21°C
  • Ощущается: 21°Влажность: 64% Скорость ветра: 5 м/с

Сообщить об опечатке

Текст, который будет отправлен нашим редакторам: