Хаартыска: А.Сорокин (ЯСИА)
Ил Дархан Айсен Николаев М.К.Аммосов аатынан Хотугулуу-Илиҥҥи федеральнай университет ректора Анатолий Николаевтыын оробуочай көрсүһүүтэ буолла.
Көрсүһүү кэмигэр университет уонна үөрэхтээһин сайдыыларыгар сүрүн хайысхалары дьүүллэстилэр. Чуолаан, үөрэххэ ылыы хампаанньатын түмүктэрэ, «Приоритет 2030» бырагырааманы олоххо киллэрии уонна Саха сиригэр буолар туруктаах сайдыыга Хотугу пуорумҥа бэлэмнэниини таарыйдылар.
Ураты болҕомтону үрдүк үөрэхтээһин саҥа систиэмэтигэр көһүү уонна үрдүк үөрэхтээһин бир кэлим таһымын киллэрии боппуруостарыгар уурдулар.
ХИФУ ректора Анатолий Николаев иһитиннэрбитинэн, университет исписэлиистэри бэлэмнээһин чэрчитинэн үлэни биэрээччилэри кытары хардарыта барыстаахтык үлэлиир, оттон үөрэх саҥа стандартара хайыы үйэ эһиилгиттэн олоххо киллэриллэн барыахтара.
Көрсүһүү биир тиэмэтинэн байыаннай дьайыы кыттыылаахтарын уонна кинилэр дьиэ кэргэттэрин өйөөһүн буолла. ХИФУ-га байыаннай дьайыы кыттыылаахтарын 530-ча оҕото үөрэнэр. Быйыл университекка байыаннай дьайыы 24 кыттыылааҕа, ол иһигэр Хорсун быһыы үс уордьанын кавалера, устудьуон буолла. Былырыын киирбит 32 устудьуон ортотугар Арассыыйа Дьоруойа, “Алеша” тааҥка мэхээнньик-суоппара Филипп Евсеев баар. 2025 сылга араас хайысхаҕа байыаннай дьайыы кыттыылааҕын 222 оҕото уонна чугас дьоно киирдилэр. Университет бу араҥаҕа ураты өйөбүлү оҥорор.
«Федеральный университет Арассыыйа Хотугулуу-Илинин уонна чуолаан Саха сирин сайдыытыгар улахан кылаатын киллэрэр. Биһиги үөрэхтээһин систиэмэтин бөҕөргөтүүгэ уонна эрэгийиэҥҥэ каадырдары сайыннарыыга ыытыллар холбоһуктаах үлэ улахан кэскиллээҕин бэлиэтиибит”, — диэтэ Айсен Николаев.
СӨ Ил Дарханын уонна бырабыыталыстыбатын пресс-сулууспата
Итии оргуйбут ууну куттуҥ да, түргэн лапса бэлэм. Ыксаллаах кэмҥэ, биирдэ эмит амсайарга арай аһыы,…
Композитор, СӨ култууратын үтүөлээх үлэһитэ, Аллараа Халыма улууһун бочуоттаах олохтооҕо Александр Иванович Дмитриев-Таммах бу дьыл…
Киһи күннээҕи олоҕор кыра-кыра истириэһи элбэхтэ көрсүөн сөп. Маҕаһыыҥҥа уочараттан саҕалаан билбэт дьоҥҥун кытта киҥир-хаҥыр…
Араҥаччылыыр аналлаах силиһэ-мутуга дириҥээбит, чэчирии үүнэр Ийэ Хатыҥы санатар Надежда Игоревна дьылҕатыгар биир олус суолталаах…
Куобах аас-туор сылларга дьону хоргуйууттан өрүһүйбүт кыыл буолар. Кини этэ эрэ буолбакка, тириитэ олус сылаас…
Үөһээ Халымаҕа бырабыыталыстыба отчуотун кэмигэр СӨ Ыччат дьыалаларыгар уонна социальнай коммуникацияларга миниистирэ, "Биир ньыгыл Арассыыйа"…