Хаартыска: sakha.gov.ru
Айсен Николаев өрөспүүбүлүкэҕэ хоруупсуйаны утары охсуһууга хамыыһыйа мунньаҕын ыытта, диэн sakha.gov.ru иһитиннэрэр.
Мунньахха интэриэс конфликтарын сэрэтиигэ уонна быһаарыыга, ону тэҥэ дохуот туһунан сибидиэнньэлэри биэриигэ эбээһинэһи толорууга хоруупсуйаны утары охсуһуу сокуонун ирдэбиллэрин тутуһуу өттүнэн быраабы туһаныы уопутун ырытан көрдүлэр.
Ил Дархан бэлиэтээбитинэн, дуоһунастаах дьону интэриэс конфликтарын сэрэтэргэ уонна быһаарарга туһуламмыт миэрэлэри ыларга эбээһинэстиир үлэлиир сокуон ирдэбиллэрэ хоруупсуйаны утары охсуһуу сүрүн төрүөт буолаллар.
«Иһитиннэриини кэмигэр биэрии – сокуону кэһиигэ үөскүүр балаһыанньаны быһаарар. Хоруупсуйаны утары охсуһуу сокуонунан биһиэхэ сүктэриллибит эбээһинэстэр булгуччулаахтык тутуһуллуохтаахтарын бары чуолкай өйдүөхтээхпит. Манна ким эрэ сокуон нуорматын билбэтэҕим, өйдөөбөтөҕүм диэн куотунар ньыма суох. Хас биирдии киһи тус эппиэтинэстээх», – диэн Айсен Николаев бэлиэтээтэ.
Мунньахха хоруупсуйаны утары охсуһуу сокуонун ирдэбиллэрин тутуһуу чааһыгар интэриэс конфликтарын сэрэтии уонна быһаарыы, ону тэҥэ дохуот туһунан сибидиэнньэлэри биэриигэ эбээһинэһи толоруу өттүнэн быраабы туһаныы уопутун ырытыыны СӨ Ил Дарханын иһинэн хоруупсуйаны уонна атын быраабы кэһиилэри сэрэтиигэ Управление салайааччыта Евгений Исаев билиһиннэрдэ.
Кини иһитиннэрбитинэн, эрэгийиэннээҕи уорганнарга судаарыстыбаннай сулууспалаахтар быраапка сыһыаннаах култуураларын таһыма үрдүүрэ кэтээн көрүллэр. Ол курдук, 2024 сылга судаарыстыбаннай былаас уорганнарын дуоһунастаах дьоно 23 иһитиннэриини биэрбиттэр, ону көрүү түмүгүнэн 19 түгэҥҥэ интэриэс конфликтара баара быһаарыллыбатах. Интэриэс конфликтарын баар буолбут бары чахчыларынан ону сэрэтэр уонна быһаарар миэрэлэр ылыллыбыттар.
Евгений Исаев өрөспүүбүлүкэ судаарыстыбаннай былааһын уонна олохтоох салайыныы уорганнарыгар дохуот, ороскуот, баай-дуол уонна баайга-дуолга сыһыаннаах эбээһинэстэр туһунан сибидиэнньэлэри толоруу хаачыстыбата уопсайынан тупсарын бэлиэтээтэ.
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…