Хаартыска: Ил Дархан уонна Бырабыыталыстыба дьаһалтатын пресс-сулууспата
Саха Өрөспүүбүлүкэтин Ил Дархана Айсен Николаев “Хоту дойду – тирэхтээх сайдыы сирэ-уота” киин сэбиэтин мунньаҕын ыытта. Көрсүһүүгэ учуонайдар, урбаан бэрэстэбиитэллэрэ уонна Камчатскай кыраай, Сахалинскай уонна Магадаан уобаластар, Чукотскай автономнай уокурук баһылыктара кыттыыны ыллылар.
Мунньахха «Хоту дойду – тирэхтээх сайдыы сирэ-уота” киин ааспыт сыллааҕы үлэтин түмүгүн ырыттылар. Ону таһынан 2023 сыл былааннарын уонна соруктарын бэлиэтээтилэр.
Бүгүҥҥү күҥҥэ киин 22 научнай тэрилтэни, 11 федеральнай таһымнаах үрдүк үөрэх кыһаларын уонна 19 бөдөҥ хампаанньаны холбуур. Үлэ биэс хайысханан ыытыллар: чэгиэн доруобуйа уонна этэҥҥэ буолуу, сир-уот уонна инфраструктура, экология, култуура, үөрэх уонна дьарыктаах буолуу. Бүгүн киин бырагыраамаларын чэрчитинэн 50-тан тахса технологическай быһаарыылар оҥоһуллаллар.
Мунньах кыттыылаахтара 2022 сыл сүрүн ситиһиилэрин бэлиэтээтилэр. Ол курдук, былырыын барыта 67 араас технологиялар оҥоһуллубуттар, 82 патент регистрацияламмыт, 3 647 научнай ыстатыйа бэчээттэммит. Ордук суолталаах үлэлэр истэригэр мэдиссиинэ, бырамыысыланнас, тыа хаһаайыстыбата, сир баайын туһаныы уонна космос куйаарын үөрэтии бырайыактара бааллар. Ол курдук искусственнай сүрэх, араагы эмтиир ньыма, стоматологияҕа импланнары оҥорор бороһуок уонна да атын бырайыактар айыллыбыттар.
2023 сыллааҕы былаан туһунан сэбиэт мунньаҕын кыттыылаахтарыгар «Хоту дойду — тирэхтээх сайдыы сирэ-уота” киин бырайыактыыр офис салайааччыта Евгений Колганов кэпсээтэ. Кини чуолаан кэлэн иһэр сылларга атын научнай-үөрэтэр киинэри кытта бииргэ үлэлэһэр соругу бэлиэтээтэ.
Мунньаҕы түмүктүүрүгэр Ил Дархан өрөспүүбүлүкэҕэ науканы уонна технологиялары сайыннарар саҥа эрэгийиэннээҕи бырагыраамалары тэрийэр үлэтигэр болҕомтотун уурда. Ону тэҥэ индустриальнай партнердары киин үлэтигэр тардарга ыҥырда. Айсен Николаев бырамыысыланнас хампаанньалара бүгүҥҥү күннээх ирдэбиллэрин социальнай-экэнэмиичэскэй турукка сөп түбэһиннэрэн учуоттуохха наадатын тоһоҕолоон бэлиэтээтэ.
«Биһиги бүгүн байыаннай эпэрээссийэ усулуобуйатыгар олоробут уонна үлэлиибит. Дойду бырамыысыланнаһыттан, Сэбилэниилээх Күүстэриттэн бырайыактар тустарынан ыйытыылар киирэллэр. Биһиэхэ билигин Сэбилэниилээх Күүстэр интэриэстэригэр туһанылла сылдьар уонна туттулуон сөптөөх научнай үлэлэр уонна технологиялар бааллар. Ол үлэни биһигэ хайаан да салгыахтаахпыт. Бүгүн сүрүн сорукпут кылгас кэм иһигэр кыайыыны ситиһии буолар», — диэн бэлиэтээтэ Айсен Николаев.
Ил Дархан уонна Бырабыыталыстыба дьаһалтатын пресс-сулууспата.
Сайын ортото – оҕуруот аһа ситэр-хотор кэмэ. Бу кэмҥэ үүнээйини араас үөн-көйүүр буорту гынара оҕуруотчуттар…
Ытык-мааны Таатта сиригэр-уотугар "Манчаары" оонньуулара ыытыллыбыта нэдиэлэ буолла. Бүгүн быһаарыылаах түмүк күн. Хас күн ахсын…
«Мэйии. Үгэс. Ыра санаа» документальнай киинэ сүрэхтэниитэ 2025 сыл балаҕан ыйыгар Дьокуускайга, Санкт-Петербурга уонна Москваҕа…
Бүгүн үс күннээх V өрөспүүбүлүкэтээҕи «Yлэ, иис күрэҕэ» иистэнньэҥ ийэлэр уонна волонтердар күрэстэрэ, «Кыайыы 50…
Кэлэр нэдиэлэҕэ Дональд Трамп, АХШ-ка 500%-наах пошлиналаах сааҥсыйатын бакыата ырытыллар кэмигэр, «Арассыыйа туһунан улахан суолталаах…
Сыл аайы сөтүөлүүр кэм саҕаланыыта уончанан киһи ууга ыстанарга биир сэрэҕэ суох хамсаныыттан сиһин тоноҕоһун…