Ил Дархан тырааныспар сайдыытыгар улахан болҕомтотун ууруо

Владимир Сивцев, тырааныспар, суол хаһаайыстыбатын миниистирэ:
-Ил Дархан өрөспүүбүлүкэ тырааныспарын, суолун хаһаайыстыбатын сайдыытыгар улахан болҕомтотун ууруо дии саныыбын.
Быйыл бу салааҕа тэрээһиннээх үлэ бара турар. Ол курдук Жатайдааҕы судоверфь тутуута түмүктэнэн эрэр, Өлүөнэ муостатын тутуу тигинэччи бара турар. Бу саҥа бырайыактар өрөспүүбүлүкэ сайдыытыгар, дьон олоҕор, таһаҕас таһыллыытыгар дьоһун кылааты киллэриэхтэрэ.

Миниистир Дьокуускайга 50 оптуобус собуокка оҥоһуллан туралларын, аэровокзалларга хапытаалынай өрөмүөн ыытылларын, суоллары сырдатыы, о.д. а. үлэ ситимнээхтик бара турарын бэлиэтээтэ.