Ил Дархан инновация дьоҕус хампаанньаларыгар өйөбүлү оҥорууга ыҥырда

Саха сиригэр аан дойдуга саамай хотугу атомнай электростанцияны тутуу, сир баайын хостуур саҥа сирдэри үөрэтии уонна инженердэри бэлэмнээһин Арассыыйаҕа уматык-энергетическэй комплексын сайыннарыыга туһуланар.

Эрэгийиэн салайааччыта, РФ “Эньэргиэтикэ” хайысхатын Судаарыстыбаннай Сэбиэтин бэрэссэдээтэлэ Айсен Николаев «улахан хампаанньалар укпут үптэрэ тас дойдулар технологияларыгар буолбакка, биһиги аччыгый технологическай хампаанньаларбытыгар көмөлөһөр үлэни оҥороллорун курдук мэхэньиисими толкуйдуохтаахпыт. Биһиэхэ АЛРОСА хампаанньа өрөспүүбүлүкэ инновацияны сайыннарар пуондатыгар 100 мөлүйүөнү укпут холобура баар. Хас да хайысхаҕа үлэ барда — оборудование уонна технология диагностикатыттан саҕалаан, идэҕэ бэлэмнээһин уонна хаттаан бэлэмнээһин бырагыраамаларыгар тиийэ. Маны барытын биһиги бэйэбит стартаптарбыт, хампаанньаларбыт оҥордулар. Бу уолаттар Саха сирин, Уһук Илин уонна Арассыыйа инникитэ буолалларыгар бигэ эрэллээхпин. Ол иһин бу хайысханан баран иһэбит».

Сиһилии: https://www.sakha.gov.ru/news/11270 сигэнэн аах.