Хаартыска: ЯСИА.
2022 сылтан төрүт култуураны тарҕатааччыларга Ил Дархан истипиэндьийэтэ бэриллэр буолбута. Бу кэмтэн уопсайа 81 киһи наҕараадаламмыт. Бу биллэр олоҥхоһуттар, оһуохай этээччилэр, тимир уустара уонна норуот маастардара.
Сыллата сэттэ олоҥхоһукка, сэттэ оһуохайдьыкка, сэттэ ууска уонна сэттэ норуот маастарыгар истипиэндьийэни туттараллар.
2022 сыллаахха аан бастаан Ил Дархан истипиэндьийэтин олоҥхоһуттар ылбыттара: Аркадий Захаров (Мэҥэ Хаҥалас), Василий Иванов — Чиллэ (Ньурба), Валентин Исаков (Уус-Маайа), Кирилл Никифоров (Үөһээ Бүлүү), Николай Тарасов (Чурапчы), Никандр Тимофеев (Сунтаар улууһа), Петр Тихонов (Мэҥэ Хаҥалас).
Олоҥхону тарҕатыыга, сөргүтүүгэ, уһуйууга улахан кылаатын иһин биллэр олоҥхоһут Никандр Тимофеев истипиэндьийэни үйэтин тухары ылыаҕа.
2025 сылга, Олонхо иккис декадатын бүтэһик сылыгар, Олоҥхо ЮНЕСКО кылаан чыпчаал айымньытынан биллэриллибитэ 20 сыла туолар сылыгар, 107 стипендиат баар буолуоҕа. Үгэс быһыытынан, истипиэндьийэлэри үөрүүлээх быһыыга-майгыга Олонхо күнүгэр — сэтинньи 25 күнүгэр туттарыахтара.
Куонкурус талыытыгар кыттарга сайаапка сэтинньи 10 күнүгэр диэри ылыллар, куонкурус туһунан биллэриини хамыыһыйа бэчээккэ уонна култуура министиэристибэтин саайтыгар 10 хонук иннинэ таһаарар.
Истипиэндьийэни үбүлээһиҥҥэ үп-харчы өрөспүүбүлүкэ судаарыстыбаннай бүддьүөтүгэр сыл аайы көрүллэр.
Санатан эттэххэ, өрөспүүбүлүкэ үгэс буолбут култууратын илдьэ сылдьааччыларыгар – олоҥхоһуттарга, оһуохай этээччилэргэ, тимир уустарыгар истипиэндьийэлэр Айсен Николаев ыйааҕынан 2022 сыллаахха олохтоммуттара, оттон норуот уустарыгар – 2023 сыллаахха.
Истипиэндьийэ суумата ыйга 30 тыһ. солк.
Урут оҕо сылдьан аҕабынаан убайбытыгар окко көмөлөhөрбүт. Киэhэ алааспытыгар, үүтээн таhыгар утуйаары сылдьан бары остуолга…
Хаҥалас улууһун 58 саастаах олохтооҕо быраатын өлөрөн, РФ Холуобунай кодексын 105 ыст. 1 ч. сууттанна. …
Өрүү сакалаат сиэххин, кофе иһиэххин баҕарар буоллаххына, эйиэхэ магнийдаах бородуукта тиийбэт диэн исписэлиистэр этэллэр. Оттон…
Былатыан Ойуунускай аатынан Саха академическай тыйаатыра бу айар сылга ураты суолталаах премьераны бэлэмниир. Өрөспүүбүлүкэ биллиилээх…
Бу нэдиэлэҕэ Дьокуускай куоракка 32 суол быһылаана тахсан, 3 киһи араас эчэйиини ыллылар. Бу туһунан …
Саха сиригэр былырыын иллэрээ сыллааҕар элбэх турист кэлэн барда. СӨ Урбаан, эргиэн уонна туризм министиэристибэтэ…