Ил Дархан: ИТ өҥөнү оҥорууга тохсус миэстэ улахан суолталаах

ИТ-технология Саха сиригэр балысханнык сайдар. Ааспыт сыл түмүгүнэн Өрөспүүбүлүкэ ИТ өҥөнү оҥорууга 10 бастыҥ иһигэр киирбитэ.

Саха сирэ сырьену эрэ биэрэр эрэгийиэн курдук эрээри, киһи хапытаалын өрө тутан, инникитин  ИТ-технологияны сайыннарыыга көрөр. Ол туһунан Ил Дархан Айсен Николаев «Россия 24» телеханаалга кэпсээтэ.

Айсен Николаев бэлиэтээбитинэн, аҕыйах сылтан бэттэх, ИТ сайыннарыы көдьүүһэ көстөн эрэр. Кини былырыын ИТ өҥөнү дойдуга таһаарыыга 9 миэстэ буолбуппутуттан, эрэгийиэн баһылыга буоларын быһыытынан, ааспыт сылга дойдуга айылҕа ресурсаларын тас дойдуга таһаарыыга 5 миэстэни ылбыппытынааҕар ордук суолталааҕын эттэ. Уһук Илин эрэгийиэн ИТ өҥөнү таһаарыытын 90 %-н Саха сирэ оҥорбут.